ശാസ്താംകോട്ട: ശക്തമായ മഴയിൽ മൈനാഗപ്പള്ളിയിലെ മൂന്ന് വീടുകൾക്ക് നാശം. കടപ്പ തണ്ടശ്ശേരിൽ ഉഷയുടെ വീടിന്റെ ഒരു ഭാഗം ബുധനാഴ്ച ഇടിഞ്ഞുവീണു. ഉദ്ദേശം 1ലക്ഷം രൂപയുടെ നാശ നഷ്ടം കണക്കാക്കുന്നു. മൈനാഗപ്പള്ളി കടപ്പ പറയരയ്യത് വീട്ടിൽ രാമചന്ദ്രന്റെ വീട് വീട് പൂർണമായും തകർന്നു ഉദ്ദേശം 2ലക്ഷം രൂപയുടെ നാശനഷ്ടം കണക്കാക്കുന്നു. തെക്കൻ മൈനാഗപ്പള്ളി ചന്ദ്രിക മന്ദിരത്തിൽ ചന്ദ്രികാ ദേവിയുടെ വീടിന്റെ മുകളിലേക്കു മരങ്ങൾ ഒടിഞ്ഞുവീണ് വീട് ഭാഗികമായി തകർന്നു. 30000 രൂപയുടെ നാശനഷ്ടം ഉണ്ടായതായി കണക്കാക്കുന്നു. പോരുവഴി തൊളിയ്ക്കൽ എലായിൽ വ്യാപകമായ തോതിൽ കൃഷി നശിച്ചു. പ്രധാനമായും കുലച്ച നൂറ് കണക്കിന് ഏത്തവാഴ കളാണ് നശിച്ചത്. ഓണ വിപണി ലക്ഷ്യമിട്ട് കൃഷി ചെയ്തതായിരുന്നു. മറ്റ് പച്ചക്കറി കൃഷികളും നശിച്ചിട്ടുണ്ട്. നാശനഷ്ടമുണ്ടായ സ്ഥലങ്ങളിൽ റവന്യൂ അധികൃതർ എത്തി വിവര ശേഖരണം നടത്തിയിട്ടുണ്ട്. :