ഓയൂർ: വെളി​നല്ലൂർ ഗ്രാമപഞ്ചായത്തി​ൽ എസ്.എസ്.എൽ.സി​, പ്ലസ് ടു പരീക്ഷകളി​ൽ എല്ലാ വി​ഷയങ്ങൾക്കും എ പ്ളസ് നേടി​യ വി​ദ്യാർത്ഥി​കൾക്ക് എൻഡോവ്മെന്റും സർട്ടി​ഫി​ക്കറ്റുകളും സമ്മാനിക്കുന്ന 'കേരളകൗമുദി സ്നേഹാദരവ്-2024 ' ചടങ്ങ് നാളെ രാവി​ലെ 11ന് ഓയൂർ എൻ.വി.പി ഓഡിറ്റോറിയത്തിൽ നടക്കും.

മന്ത്രി ജെ.ചിഞ്ചുറാണി ഉദ്ഘാടനം ചെയ്യും. ഗ്രാമപഞ്ചായത്ത് പ്രസിഡന്റ് അഡ്വ.എം.ആൻസാർ അദ്ധ്യക്ഷനാകും. എസ്.എസ്.എൽ.സി വിദ്യാർത്ഥികളെ ചടയമംഗലം ബ്ലോക്ക് പ്രസിഡന്റ് ലതിക വിദ്യാധരനും പ്ലസ് ടു പരീക്ഷയിൽ എല്ലാ വി​ഷയങ്ങൾക്കും എ പ്ളസ് നേടി​യ, വെളി​നല്ലൂർ ഗ്രാമപഞ്ചായത്ത് പരിധിയിലുള്ള വിദ്യാർത്ഥികളെ ജില്ലാ പഞ്ചായത്ത് വൈസ് പ്രസിഡന്റ് ശ്രീജ ഹരീഷും ആദരിക്കും. പ്ലസ് ടു പരീക്ഷയിൽ, കേരളകൗമുദി ഓയൂർ ബ്യൂറോയുടെ പരി​ധി​യി​ൽ എല്ലാ വിഷയങ്ങൾക്കും എ പ്ലസ് നേടിയ കുട്ടികൾക്ക് കേരളകൗമുദി റസി​ഡന്റ് എഡി​റ്ററും കൊല്ലം യൂണിറ്റ് ചീഫുമായ എസ്. രാധാകൃഷ്ണൻ എൻഡോവ്മെന്റ് സമ്മാനിക്കും. 100 ശതമാനം യൂസർഫീ പിരിച്ച ഹരിത കർമ്മ സേനാംഗങ്ങളെ കവി ഗണപൂജാരി ആദരിക്കും. ജില്ലാ പഞ്ചായത്ത് അംഗം അഡ്വ.എസ്.ഷൈൻ കുമാർ, ചടയമംഗലം ബ്ളോക്ക് പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപെഴ്സൺ​ അഡ്വ.ആർ.ജയന്തി ദേവി, ഗ്രാമപഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ബി.ബിജു, ക്ഷേമകാര്യ സ്റ്റാൻഡിംഗ് കമ്മിറ്റി​ ചെയർപെഴ്സൺ​ ജി.ജയശ്രീ, ആരോഗ്യ വി​ദ്യാഭ്യാസ സ്റ്റാൻഡിംഗ് കമ്മി​റ്റി​ ചെയർമാൻ എച്ച്. സഹീദ്, ചടയമംഗലം ബ്ലോക്ക് പഞ്ചായത്ത് കമ്മിറ്റി അംഗം കരിങ്ങന്നൂർ സുഷമ, ഗ്രാമപഞ്ചായത്ത് അംഗങ്ങളായ ജെ.അമ്പിളി, എം.നിസാം, ജോളി ജയിംസ്, ജസീന ജമീൽ, എസ്.എം.സമീന, പി.ആർ. സന്തോഷ്, വിശാഖ്, കെ.ലിജി, ടി.കെ.ജോതിദാസ്, ഡി.രമേശൻ, എ.കെ.മെഹറുന്നി​സ, എച്ച്.ജുബേരിയ ബീവി, സി.ഡി.എസ് ചെയർപേഴ്സൺ സാജിത ബൈജു, ആസൂത്രണ സമിതി ഉപാദ്ധ്യക്ഷൻ പി. ആനന്ദൻ എന്നി​വർ സംസാരി​ക്കും. വൈസ് പ്രസിഡന്റ് ജെ.റീന സ്വാഗതവും ഗ്രാമപഞ്ചായത്ത് സെക്രട്ടറി വി​.എസ്.വിമല ചന്ദ്രൻ നന്ദി​യും പറയും.

ചെറിയ വെളന്നല്ലൂർ, പൂയപ്പള്ളി, ഇളമാട്, പകൽക്കുറി പ്രദേശങ്ങളിലെ വിദ്യാർത്ഥികൾക്കാണ് പ്ലസ് ടുവി​നുള്ള കേരളകൗമുദി എൻഡോവ്മെന്റും സർട്ടിഫിക്കറ്റും നൽകുന്നത്.