പുനലൂർ: നഗരസഭയിലെ താഴെവാതുക്കൽ പ്രവർത്തിക്കുന്ന ഗവ. പ്രകൃതി ചികിത്സ ഡിസ്പെൻസറിയിൽ നവീകരിച്ച സ്റ്റീംബാത്ത്, ഫുട് മസാജ് , ഫിസിയോതെറാപ്പി ഉപകരണങ്ങൾ നാടിന് സമർപ്പിച്ചു. നഗരസഭയുടെ 2023- 24 വാർഷിക പദ്ധതിയിൽ ഉൾപ്പെടുത്തി 3ലക്ഷം രൂപ ഉപയോഗിച്ച് നവീകരിച്ച സ്റ്റിം ബാത്തും ഫുട് മസാജും എൻ.എ.എമ്മിൽ നിന്ന് അനുവദിച്ച 5 ലക്ഷം രൂപയും ഉപയോഗിച്ച് നിർമ്മിച്ച യോഗ സെന്ററുമാണ് ഇന്നലെ നടന്ന ചടങ്ങിൽ ചെയർപേഴ്സൺ കെ.പുഷ്പലത നാടിന് സമർപ്പിച്ചത്. ആരോഗ്യകാര്യ സ്ഥിരം സമിതി അദ്ധ്യക്ഷ വസന്തരഞ്ജൻ അദ്ധ്യക്ഷനായി. സ്ഥിരം സമിതി അദ്ധ്യക്ഷരായ അഡ്വ.പി.എ.അനസ്, ബിനോജ് രാജൻ, പ്രി​യാ പിള്ള, കൗൺസിലർമാരായ ഡി.ദിനേശൻ, എൻ.സുന്ദരേശൻ, എസ്.സതേഷ്, അരവിന്ദാഷൻ,റഷീദ്കുട്ടി, ഷാജിത സുധീർ, ആർ.എം.ഒ.ഡോ.ശ്രീജിത്ത്, ഡോക്ടർമാരായ പി.പൂജ, രഞ്ജു യോഹന്നാൻ തുടങ്ങിയവർ സംസാരിച്ചു.