കുപ്പണ തട്ടുവിള- പോങ്ങുംതാഴം റോഡിന് 14 ലക്ഷം

അഞ്ചാലുംമൂട്: നാട്ടുകാരുടെ 'നടുവി'​ന് 12 വർഷത്തോളം ഭീഷണി​യായി​രുന്ന കുപ്പണ തട്ടുവിള- പോങ്ങുംതാഴം റോഡിന് ശാപമോക്ഷം. നിലവിലെ റോഡിന്റെ കോൺക്രീറ്റിംഗും കെ.എസ്.ഇ.ബി മുതൽ വാട്ടർ ടാങ്ക് വരെയുള്ള റോഡിന്റെ നിർമ്മാണവും ഉൾപ്പെടെ 14 ലക്ഷം രൂപയ്ക്കാണ് റീ ടെണ്ടർ നൽകിയിരിക്കുന്നത്. കരാറുകാരന്റെ പേര് ഉൾപ്പെടെയുള്ള വി​വരങ്ങൾ ഇന്ന് പ്രസി​ദ്ധീകരി​ക്കുമെന്ന് കൗൺസിലർ സ്വർണമ്മ പറഞ്ഞു.

കോർപ്പറേഷന്റെ ആസ്തി വികസന ഫണ്ടിൽ നിന്ന് റോഡ് നിർമ്മാണത്തിന് മുൻപ് 11ലക്ഷം രൂപ അനുവദിച്ചിരുന്നെങ്കിലും ഈ തുകയ്ക്ക് കരാറെടുക്കാൻ ആരും തയ്യാറായില്ല. തുടർന്ന് 22ന് നടന്ന റീടെണ്ടറിൽ മുൻ നിശ്ചയിച്ച ഫണ്ടിലെ തുകയിൽ ഭേദഗതി വരുത്തിയിരുന്നു.

ഇരുന്നിലേറെ കുടുംബങ്ങളെയാണ് റോഡിന്റെ ദുരവസ്ഥ ഗതികേടിലാക്കിയിരുന്നത്. ടാർ ഇളകി കുഴികളും കല്ലുകളും നിറഞ്ഞ റോഡിൽ കാൽനട യാത്ര പോലും ദുസഹമായി​രുന്നു. മതിയായ വെളിച്ചമില്ലാത്തതിനാൽ ഇതുവഴി​യുള്ള രാത്രി​യാത്രയി​ൽ വാഹനങ്ങൾ അപകടത്തിൽപ്പെടുന്നതും പതിവായിരുന്നു.

റോഡ് നന്നാക്കാത്തതിനെതിരെ കുപ്പണ തട്ടുവി- പോങ്ങുംതാഴം ഭാഗത്തുള്ളവർ പ്രതിഷേധ പരിപാടികൾ സംഘടിപ്പിക്കാനുള്ള തയ്യാറെടുപ്പിലായിരുന്നു. കൗൺസിലറുടെ ഇടപെടലാണ് ടെണ്ടർ തുകയി​ൽ ഭേദഗതി​ വരുത്താൻ വഴി​യൊരുക്കി​യത്.

....................

ആദ്യം അനുവദിച്ചത് 11 ലക്ഷം

റീ ടെണ്ടറിൽ തുക 14 ലക്ഷം