വലപ്പാട് പഞ്ചായത്ത് ഹരിതകർമ്മ സേനയ്ക്ക് മണപ്പുറം ഫൗണ്ടേഷൻ നൽകിയ വാഹനം പഞ്ചായത്ത് പ്രസിഡന്റ് വി.ഡി. ഷിനിത ഫ്‌ളാഗ് ഓഫ് ചെയ്യുന്നു.
വലപ്പാട് പഞ്ചായത്ത് ഹരിതകർമ്മ സേനയ്ക്ക് മണപ്പുറം ഫൗണ്ടേഷൻ നൽകിയ വാഹനം പഞ്ചായത്ത് പ്രസിഡന്റ് വി.ഡി. ഷിനിത ഫ്‌ളാഗ് ഓഫ് ചെയ്യുന്നു.
വലപ്പാട്: വലപ്പാട് പഞ്ചായത്തിലെ ഹരിതകർമ്മ സേനയ്ക്ക് പുതിയ വാഹനം കൈമാറി മണപ്പുറം ഫൗണ്ടേഷൻ. സാമൂഹിക പ്രതിബദ്ധതാ പ്രവർത്തനങ്ങളുടെ ഭാഗമായാണ് എട്ടു ലക്ഷത്തി നാൽപത്തി അയ്യായിരം രൂപയുടെ വാഹനം നൽകിയത്. പഞ്ചായത്തിൽ നടന്ന ചടങ്ങിൽ മണപ്പുറം ഫൗണ്ടേഷൻ സി.ഇ.ഒ: ജോർജ് ഡി. ദാസ്, പഞ്ചായത്ത് പ്രസിഡന്റ് വി.ഡി. ഷിനിതയ്ക്ക് താക്കോൽ കൈമാറി. കൂടാതെ വട്ടപ്പരത്തി ബീച്ചിലേക്കുള്ള പാതയുടെ നിർമ്മാണവും പൂർത്തീകരിച്ചു. ബീച്ചിന്റെ ടൂറിസം സാദ്ധ്യതകൾ വിപുലപ്പെടുത്തുന്നതിന്റെ ഭാഗമായി മുപ്പത് ലക്ഷം രൂപയുടെ നവീകരണ പ്രവർത്തനങ്ങളാണ് 'സ്‌നേഹാരാമം' എന്ന പദ്ധതിയിലൂടെ മണപ്പുറം ഫൗണ്ടേഷൻ നടത്തിയത്. താന്ന്യം പഞ്ചായത്ത് സ്വദേശിയായ അജിത്തിന് വീൽചെയറും വാഹനാപകടത്തിൽ പരിക്കേറ്റ് ചികിത്സയിലുള്ള നാട്ടിക സ്വദേശി രാജിക്ക് ധനസഹായവും നൽകി. മണപ്പുറം ഫൗണ്ടേഷൻ സി.എസ്.ആർ വിഭാഗം ഹെഡ് ശിൽപ്പ ട്രീസ സെബാസ്റ്റ്യൻ പങ്കെടുത്തു.