തൃശൂർ : ഇ.പി.എഫ് ജില്ലാ ഓഫീസും ഇ.എസ്.ഐ കോർപറേഷൻ തൃശൂർ റീജ്യണൽ ഓഫീസും സംയുക്തമായി നടത്തുന്ന ബോധവത്കരണ, പരാതിപരിഹാര അദാലത്ത് 27ന് രാവിലെ പത്ത് മുതൽ അശ്വിനി ആശുപത്രി മിനി കോൺഫറൻസ് ഹാളിൽ നടത്തും. ഇ.പി.എഫ് അദാലത്തിൽ പങ്കെടുക്കാൻ ആഗ്രഹിക്കുന്നവർക്ക് പി.എഫ് ഓഫീസിന്റെ ശക്തൻ തമ്പുരാൻ നഗറിലുള്ള ഓഫീസിൽ നേരിട്ടോ dothrissur@epfindia.gov.in എന്ന ഇമെയിൽ മുഖേനയോ രജിസ്റ്റർ ചെയ്യാം. രജിസ്റ്റർ ചെയുന്നവർ തങ്ങളുടെ മൊബൈൽ നമ്പറും, യു.എ.എൻ നമ്പറോ/ പി.പി.ഓ നമ്പറോ/ ഇ.പി.എഫ് അക്കൗണ്ട് നമ്പറോ നിർബന്ധമായിട്ടും രേഖപ്പെടുത്തണം. സ്‌പോട് രജിസ്‌ട്രേഷൻ സൗകര്യവും ഉണ്ടായിരിക്കും.