തിരുവനന്തപുരം: നഗരത്തിലെ റോഡ് നിർമ്മാണം വൈകുന്നതിൽ പ്രതിഷേധിച്ച് 'നഗരം നരകം ... സർക്കാരെ കണ്ണ് തുറക്കൂ' എന്ന മുദ്രാവാക്യം ഉയർത്തി സി.എം.പി സെക്രട്ടേറിയറ്റിനുമുമ്പിൽ ധർണ നടത്തി.സി എം പി സംസ്ഥാന സെക്രട്ടറി എം.പി.സാജു ഉദ്ഘാടനം ചെയ്തു.ജില്ലാസെക്രട്ടറി എം.ആർ.മനോജ്, നഗരസഭ കോൺഗ്രസ് കക്ഷിനേതാവ് പി.പദ്‌മകുമാർ, സി.എം.പി ജില്ലാ ജോയിന്റ് സെക്രട്ടറിമാരായ പി.ജി.മധു, ഉഴമലയ്ക്കൽ ബാബു,ചന്ദ്രവല്ലി, കെ.എം.എഫ് സംസ്ഥാന വർക്കിംഗ് പ്രസിഡന്റ് വി.ആർ.സിനി,ഏരിയ സെക്രട്ടറിമാരായ കെ.വിനോദ് കുമാർ, പേയാട് ജ്യോതി, വിശ്വനാഥൻ, അരുൾകുമാർ, കരുംകുളം മുരുകൻ,കെ.എസ്.വൈ.എഫ് സംസ്ഥാന പ്രസിഡന്റ് ശ്രീകണ്‌ഠൻ, ഡി.എസ്.എഫ് സംസ്ഥാന സെക്രട്ടറി നാൻസി പ്രഭാകർ തുടങ്ങിയവർ പങ്കെടുത്തു.