പാലോട്: കേരളകൗമുദി ബോധപൗർണമി ക്ലബ്ബിന്റെ സ്‌നേഹാദരവും എന്റെ കൗമുദി താലൂക്ക്തല ഉദ്ഘാടനവും ഇന്ന് ഉച്ചയ്ക്ക് 12ന് പാലോട് കൊല്ലായിൽ എസ്.എൻ.യു.പി സ്‌കൂളിൽ മന്ത്രി ജെ. ചിഞ്ചുറാണി ഉദ്ഘാടനം ചെയ്യും. കേരളകൗമുദി യൂണിറ്റ് ചീഫ് എസ്. വിക്രമൻ അദ്ധ്യക്ഷത വഹിക്കും. സർക്കുലേഷൻ മാനേജർ സേതുനാഥ് എന്റെ കൗമുദി പദ്ധതി വിശദീകരിക്കും. എസ്.എസ്.എൽ.സി, പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ വിദ്യാർത്ഥികളേയും എം.ബി.ബി.എസ്, പിഎച്ച്.ഡി ലഭിച്ചവരേയും ചടങ്ങിൽ ആദരിക്കും.

പെരിങ്ങമ്മല ഗ്രാമപഞ്ചായത്ത് വൈസ് പ്രസിഡന്റ് ഗീതാ പ്രിജി, ബ്ലോക്ക് പഞ്ചായത്ത് മെമ്പർ റിയാസ്, വാർഡ് മെമ്പർ സിംലാദേവി, പി.ടി.എ പ്രസിഡന്റ് സുനൈസാ അൻസാരി, വൈസ് പ്രസിഡന്റ് ഹാഷിം റാവുത്തർ, എം.പി.ടി.എ പ്രസിഡന്റ് ഷീജാ അനിൽ, അരുൺ ബാബു എന്നിവർ സംസാരിക്കും. കൊല്ലായിൽ എസ്.എൻ.യു.പി സ്‌കൂൾ ഹെഡ്മാസ്റ്റർ മുഹമ്മദ് നിസാം സ്വാഗതവും കേരളകൗമുദി ഏരിയ സർക്കുലേഷൻ മാനേജർ പ്രദീപ് കാച്ചാണി നന്ദിയും പറയും.