നെടുമങ്ങാട്: മുസ്‌ലിം ലീഗ്, യൂത്ത് ലീഗ്, എം.എസ്.എഫ് നെടുമങ്ങാട് മുനിസിപ്പൽ കമ്മിറ്റികളുടെ ആഭിമുഖ്യത്തിൽ ശിഹാബ് തങ്ങൾ സ്മാരക മാദ്ധ്യമ പുരസ്കാര വിതരണവും വിവിധ പരീക്ഷകളിൽ വിജയികളായ വിദ്യാർത്ഥികളുടെ അനുമോദനവും സംഘടിപ്പിച്ചു. പത്താംകല്ലിൽ നടന്ന സംഗമം പി. ഉബൈദുള്ള എം.എൽ.എ ഉദ്ഘാടനം ചെയ്തു. ലീഗ് മുനിസിപ്പൽ കമ്മിറ്റി പ്രസിഡന്റ് എച്ച്. സിദ്ദീഖ് അദ്ധ്യക്ഷത വഹിച്ചു. കണിയാപുരം ഹലീം, എസ്.എ. വാഹിദ്, കന്യാകുളങ്ങര ഷാജഹാൻ, കുന്നുംപുറം അഷറഫ്, എസ്.എഫ്.എസ്.എ തങ്ങൾ, പുലിപ്പാറ യൂസഫ്, ഫറാസ് മാറ്റപ്പള്ളി, സലിം, പീരു മുഹമ്മദ്, ഷിയാസ് പേരുമല, മുനീർ വാളിക്കോട് തുടങ്ങിയവർ പങ്കെടുത്തു.