തിരുവനന്തപുരം: അശാസ്‌ത്രീയമായ ഡ്രൈവിംഗ് ടെസ്റ്റ് പരിഷ്കരണത്തിനെതിരെ ഓൾ കേരള ഡ്രൈവിംഗ് സ്കൂൾ വർക്കേഴ്സ് യൂണിയന്റെ നേതൃത്വത്തിൽ സെക്രട്ടേറിയറ്റിന് മുന്നിൽ ആരംഭിച്ച അനിശ്ചിതകാല ധർണയുടെ ആറാം ദിനം സി.ഐ.ടി.യു സംസ്ഥാന വൈസ് പ്രസിഡന്റ് സി. ജയൻബാബു ഉദ്ഘാടനം ചെയ്തു. യൂണിയൻ സംസ്ഥാന വൈസ് പ്രസിഡന്റ് തോമസ് രാജു അദ്ധ്യക്ഷത വഹിച്ചു. സി.ടി. അനിൽ, സി.എസ്. ദാസ് ബിജു, ഷിജു എബ്രഹാം, പ്രിയൻ, ജബ്ബാർ, മാണി, ശശികല, ബിജു മാധവൻ തുടങ്ങിയവർ പങ്കെടുത്തു.