കുളത്തൂർ: തിരുവനന്തപുരം സ്മാർട്ട്സിറ്റി നിർമ്മാണത്തിന്റെ ഭാഗമായുള്ള ഓടനിർമ്മാണം നടക്കുന്നതിനാൽ ചിലയിടങ്ങളിൽ നാളെ മുതൽ 15 വരെ ഗതാഗത നിയന്ത്രണം ഉണ്ടായിരിക്കും. പൊതുമാരാമത്ത് വകുപ്പ് റോഡ് വിഭാഗത്തിന് കീഴിലുള്ള കളത്തൂർ - കഴക്കൂട്ടം-ശ്രീകാര്യം റോഡ്,​ എൻ.എച്ച് 66ന്റെ കഴക്കൂട്ടം-ടെക്‌നോപാർക്ക് സെക്കൻഡ് സർവീസ് റോഡ് (വലത് വശം),​ ശ്രീകാര്യം കുളത്തൂർ - കഴക്കൂട്ടം റോഡ്,​ എൻ.എച്ച് 66 ന്റെ സർവീസ് റോഡുമായി ബന്ധിപ്പിക്കുന്ന തിരുവനന്തപുരം കോർപ്പറേഷനിലെ പെരുമ്പടറോഡ്, പള്ളിനട ബൈ റോഡ്, പാലസ് നഗർ റോഡ്, എൻ.എച്ച് 66ന്റെ കഴക്കൂട്ടം - ടെക്‌നോപാർക്ക് സെക്കൻഡ് സർവീസ് റോഡ് തുടങ്ങിയ റോഡുകൾക്കാണ് നിയന്ത്രണം. ടെക്‌നോപാർക്ക് വലതുവശത്തെ സെക്കൻഡ് സർവീസ് റോഡിന് പകരം എൻ.എച്ച് 66 ന്റെ ഒന്നാമത്തെ സർവീസ് റോഡും(ഇടതുവശം) കോർപ്പറേഷൻ റോഡുകൾക്ക് പകരം തൊട്ടടുത്ത ഇടറോഡുകളും ഉപയോഗിക്കണമെന്ന് അസിസ്റ്റന്റ് എക്‌സിക്യുട്ടിവ് എൻജിനിയർ അറിയിച്ചു.