കൽപ്പറ്റ: പൂക്കോട് വെറ്ററിനറി കോളേജ് വിദ്യാർത്ഥി ജെ. എസ്. സിദ്ധാർത്ഥിന്റെ റാഗിംഗ് മരണത്തിൽ പ്രതികളായ വിദ്യാർത്ഥികൾക്ക് പരീക്ഷയെഴുതാൻ അനുമതി നൽകിയ ഹൈക്കോടതി വിധിക്കെതിരെ സർവകലാശാല അപ്പീൽ നൽകി. രണ്ട് കേസുകളിലാണ് ഇന്നലെ രാത്രി അപ്പീൽ നൽകിയത്. മറ്റ് രണ്ട് കേസുകളിൽ തിങ്കളാഴ്ച അപ്പീൽ നൽകും.

അവസാനവർഷ,​ രണ്ടാം വർഷ വിദ്യാർത്ഥികൾക്ക് പരീക്ഷയെഴുതാൻ അനുമതി നൽകിയ രണ്ട് വിധികൾക്കെതിരെയാണ് അപ്പീൽ നൽകിത്. ആന്റി റാഗിംഗ് കമ്മിറ്റി കഴിഞ്ഞ ദിവസം അപ്പീൽ രേഖകൾ തയ്യാറാക്കിയിരുന്നു.

എട്ട് പേർക്കാണ് പരീക്ഷയെഴുതാൻ അനുമതി നൽകിയത്. വിധിയെ തുടർന്ന് പ്രതികൾ ഒരു വിഷയത്തിൽ പരീക്ഷയെഴുതി. അവസാന വർഷ വിദ്യാർത്ഥികളായ രണ്ടാം പ്രതി ആർ. എസ്. കാശിനാഥൻ, മൂന്നാം പ്രതി അമീൻ അക്ബർ അലി, നാലാം പ്രതി കെ. ആർ.അരുൺ എന്നിവർ പൂക്കോട് സർവകലാശാലയിൽ പ്രവേശനം നിഷേധിച്ചതിനാൽ മണ്ണൂത്തി സർവകലാശാലാ കേന്ദ്രത്തിലാണ് പരീക്ഷ എഴുതിയത്. ഒരു വർഷത്തേക്ക് പുറത്താക്കിയ രണ്ടാം വർഷ വിദ്യാർത്ഥി കൃഷ്ണലാലും കോടതി വിധിയെ തുടർന്ന് പൂക്കോട് കാമ്പസിൽ പരീക്ഷ എഴുതി. ഇയാൾക്ക് കാമ്പസിൽ പ്രവേശന വിലക്ക് ഇല്ലായിരുന്നു. മൂന്ന് പ്രതികളെ റെക്കാഡ് ബുക്കും ടേം പേപ്പറും സമർപ്പിക്കാതെ വെള്ളിയാഴ്ച പ്രാക്ടിക്കൽ പരീക്ഷ ചെയ്യാനും അനുവദിച്ചു.

സി​ദ്ധാ​ർ​ത്ഥ​ന്റെ​ ​മാ​താ​പി​താ​ക്കൾ
ഗ​വ​ർ​ണ​റെ​ ​ക​ണ്ടു

തി​രു​വ​ന​ന്ത​പു​രം​:​ ​പൂ​ക്കോ​ട് ​സ​ർ​വ​ക​ലാ​ശാ​ല​യി​ലെ​ ​വി​ദ്യാ​ർ​ത്ഥി​യാ​യി​രു​ന്ന​ ​സി​ദ്ധാ​ർ​ത്ഥ​ന്റെ​ ​മ​ര​ണ​ത്തി​ൽ​ ​പ്ര​തി​പ്പ​ട്ടി​ക​യി​ലു​ള്ള​വ​രെ​ ​പ​രീ​ക്ഷ​യെ​ഴു​താ​ൻ​ ​അ​നു​വ​ദി​ക്ക​രു​തെ​ന്നാ​വ​ശ്യ​പ്പെ​ട്ട് ​അ​ച്ഛ​ൻ​ ​ജ​യ​പ്ര​കാ​ശും​ ​അ​മ്മ​യും​ ​ഷീ​ബ​യും​ ​ഗ​വ​ർ​ണ​ർ​ക്ക് ​പ​രാ​തി​ ​ന​ൽ​കി.​ ​പ്ര​തി​ക​ളെ​ ​പ​രീ​ക്ഷ​ ​എ​ഴു​തി​ക്കാ​നു​ള്ള​ ​സ​ർ​വ​ക​ലാ​ശാ​ല​യു​ടെ​ ​നീ​ക്കം​ ​ത​ട​യ​ണ​മെ​ന്നാ​വ​ശ്യം.​ ​പ്ര​തി​ക​ൾ​ ​പ്രാ​ക്ടി​ക്ക​ൽ​ ​പ​രീ​ക്ഷ​യെ​ഴു​തി​യ​ത് ​ച​ട്ടം​ ​ലം​ഘി​ച്ചാ​ണെ​ന്നും​ ​വെ​റ്റ​റി​ന​റി​ ​കൗ​ൺ​സി​ൽ​ ​ഒ​ഫ് ​ഇ​ന്ത്യ​യു​ടെ​ ​ച​ട്ടം​ ​മ​റി​ക​ട​ന്നു​വെ​ന്നും​ ​സി​ദ്ധാ​ർ​ത്ഥ​ന്റെ​ ​മാ​താ​പി​താ​ക്ക​ൾ​ ​ചൂ​ണ്ടി​ക്കാ​ട്ടി.​ ​പ​രി​ശോ​ധി​ച്ച് ​ന​ട​പ​ടി​യെ​ടു​ക്കു​മെ​ന്ന് ​ഗ​വ​ർ​ണ​ർ​ ​ഉ​റ​പ്പ് ​ന​ൽ​കി​യ​താ​യി​ ​മാ​താ​പി​താ​ക്ക​ൾ​ ​അ​റി​യി​ച്ചു.​ ​വി​ശ​ദീ​ക​ര​ണം​ ​തേ​ടി​ ​പ​രാ​തി​ ​വി.​സി​ക്ക് ​അ​യ​യ്ക്കു​മെ​ന്ന് ​രാ​ജ്ഭ​വ​ൻ​ ​വ്യ​ക്ത​മാ​ക്കി.