മുഹമ്മ : അർബുദത്തെ അതിജീവിച്ച് വിശ്രമവേളകളിൽ വരയും വായനയും എഴുത്തുമായി കർമമണ്ഡലത്തിൽ സജീവമാകുന്ന വെറ്ററിനറി ഡോക്ടർ എസ്.ജയശ്രീക്ക് ഡോക്ടേഴ്‌സ് ദിനത്തിൽ ജൂനിയർ റെഡ് ക്രോസ് യൂണിറ്റ് ആദരിച്ചു.

നൂറിലേറെ ചിത്രങ്ങൾ വരച്ചിട്ടുള്ള ഡോക്ടർ നിരവധി കഥയും കവിതകളും എഴുതിയിട്ടുണ്ട്. ഏഴു വർഷത്തോളം കഞ്ഞിക്കുഴിയിൽ ജോലിനോക്കവേ മികച്ച ഡോക്ടർക്കുള്ള സംസ്ഥാന സർക്കാരിന്റെ അവാർഡ് ഉൾപ്പടെ ദേശീയ അംഗീകാരങ്ങളും ലഭിച്ചു. ജാനിദേവ്, ആതിര അജിത്, കേഡറ്റ് ലീഡർ ദേവനന്ദന, പി.ടി.എ പ്രസിഡന്റ് കെ.എസ്. ലാലിച്ചൻ, വൈസ് പ്രസിഡന്റ് പി.എസ്.സനൽകുമാർ എന്നിവർ സംസാരിച്ചു.