ഹരിപ്പാട്: മുതുകുളം വടക്ക് ഐശ്വര്യപ്രദായനി ബാപ്പുജി സ്മാരക ഗ്രാമീണ വായനശാലയിൽ വായനാപക്ഷാചരണത്തിന്റെ ഭാഗമായി നടന്ന ഇടപ്പള്ളി രാഘവൻപിള്ള അനുസ്മരണം, കാർത്തികപ്പള്ളി താലൂക്ക് ലൈബ്രറി കൗൺസിൽ പ്രസിഡന്റ് ജി.സന്തോഷ് കുമാർ ഉദ്ഘാടനം ചെയ്തു. വായനശാല പ്രസിഡന്റ് പി.സി.അനിൽകുമാർ അദ്ധ്യക്ഷനായി. താലൂക്ക് ലൈബ്രറി കൗൺസിൽ എക്സിക്യൂട്ടീവ് അംഗം കെ.വിജയകുമാർ, വായനശാല സെക്രട്ടറി കെ.അജയകുമാർ, ലൈബ്രേറിയൻ നിത്യ രാമചന്ദ്രൻ എന്നിവർ സംസാരിച്ചു. മുതുകുളം വടക്ക് ബ്രദേഴ്സ് ഗ്രന്ഥശാല ആൻഡ് വായനശാലയിൽ വായനാപക്ഷാചരണത്തിന്റെ ഭാഗമായി നടന്ന ഇടപ്പള്ളി രാഘവൻപിള്ള അനുസ്മരണം ഗോപൻ നമ്പാട്ട് ഉദ്ഘാടനം ചെയ്തു. ഗ്രന്ഥശാല പ്രസിഡന്റ് കെ.വിജയകുമാർ അദ്ധ്യക്ഷനായി. ഗ്രന്ഥശാല സെക്രട്ടറി എസ്.മഹാദേവൻപിള്ള, ലൈബ്രേറിയൻ സ്നേഹ.എസ്.പിള്ള, കെ.ശ്രീകൃഷ്ണകുമാർ, വാഴപ്പള്ളിൽ രാധാകൃഷ്ണപിള്ള, ജി.അനിൽ, പി.അരവിന്ദാക്ഷൻ, വി.സുദർശനൻപിള്ള, എസ്.വിജയൻപിള്ള എന്നിവർ സംസാരിച്ചു.