ആലപ്പുഴ : കലാകാരൻന്മാരുടെ സംഘടനയായ നന്മയുടെ നേതൃത്വത്തിൽ നടത്തിയ സർഗോത്സവം ജില്ലാ തല ഉദ്ഘാടനം കുമാരപുരം പഞ്ചായത്ത് പ്രസിഡന്റ് ഒ.സൂസി നിർവഹിച്ചു. ഹരിപ്പാട് നാരകത്തറ ചോയ്‌സ് പ്ലാസ ഓഡിറ്റോറിയത്തിൽ നടന്ന യോഗത്തിൽ നന്മ സംസ്ഥാന വൈസ് പ്രസിഡന്റും സർഗോത്സവ സംസ്ഥാന ചെയർമാനുമായ കലാമണ്ഡലം സത്യവൃതൻ, സർഗോത്സവം സംസ്ഥാന കൺവീനർ പ്രദീപ് ഗോപാൽ, സംസ്ഥാന സെക്രട്ടറി രാജേന്ദ്രൻ എന്നിവർ പങ്കെടുത്തു. തുടർന്ന് വിവിധ കല മത്സരങ്ങൾ നടത്തി.ജില്ലാ പ്രസിഡന്റ് പ്രൊഫസർ എസ്.ലേഖാ തങ്കച്ചി, സെക്രട്ടറി ആർ.എൽ.വി.ഓംകാർ, വൈസ് പ്രസിഡന്റ് സൂര്യ രജീഷ്, സുനിൽ, ജില്ലാ കോഓർഡിനേറ്റർ ഡോ. നീരജ വിഷ്ണു എന്നിവർ നേതൃത്വം നൽകി.