ആലപ്പുഴ: നെഹ്റു ട്രോഫി വള്ളംകളിയുടെ ഭാഗമായി പബ്ലിസിറ്റി കമ്മിറ്റി വിദ്യാർഥികൾക്കായി നടത്തുന്ന 'നിറച്ചാർത്ത്' മത്സരം ഇന്ന് രാവിലെ 10ന് ആലപ്പുഴ എസ്.ഡി.വി. സെന്റി​നറി ഹാളിൽ നടക്കും. പബ്ലിസിറ്റി കമ്മറ്റിയാണ് മത്സരം സംഘടിപ്പിക്കുന്നത്.

എൽ.പി. സ്‌കൂൾ വിദ്യാർഥികൾക്ക് കളറിംഗ് മത്സരവും യു.പി, ഹൈസ്‌കൂൾ വിദ്യാർഥികൾക്ക് ചിത്രരചന മത്സരവുമാണ് നടത്തുക. ക്രയോൺ, പേസ്റ്റൽസ്, ജലച്ചായം, പോസ്റ്റർ കളർ എന്നിങ്ങനെ ഏതു മാധ്യമവും ഉപയോഗിക്കാം. ഓയിൽ പെയിന്റ് ഉപയോഗിക്കാൻ പാടില്ല. എല്ലാ വിഭാഗത്തിലും ആദ്യ മൂന്നു സ്ഥാനങ്ങൾ നേടുന്നവർക്ക് സർട്ടിഫിക്കറ്റും ട്രോഫിയും നൽകും.
കളറിംഗ് മത്സരത്തിൽ ജില്ലയിലെ എൽ.പി. സ്‌കൂൾ വിദ്യാർഥികൾക്ക് പങ്കെടുക്കാം. നിറം നൽകാനുള്ള രേഖാചിത്രം സംഘാടകർ നൽകും. മറ്റ് സാമഗ്രികൾ മത്സരാർതഥികൾ കൊണ്ടുവരണം. ഒന്നര മണിക്കൂറാണ്് സമയം. ചിത്രരചന മത്സരത്തിൽ രണ്ടു വിഭാഗങ്ങളിലായി ജില്ലയിലെ യു.പി, ഹൈസ്‌കൂൾ വിദ്യാർതഥികൾക്ക് പങ്കെടുക്കാം. വരയ്ക്കാനുള്ള പേപ്പർ സംഘാടകർ നൽകും.രണ്ടു മണിക്കൂറാണ് മത്സരസമയം. ഫോൺ: 0477-2251349.