ആലപ്പുഴ : തിരുവനന്തപുരത്ത് സ്ഥാപിക്കാൻ മുൻ മുഖ്യമന്ത്രി സി.അച്യുതമേനോന്റെ പ്രതിമയുമായി പയ്യന്നൂരിൽ നിന്ന് ആരംഭിച്ച പ്രയാണം ഇന്ന് ചേർത്തലയിൽ എത്തിച്ചേരും. ജില്ലാ അതിർത്തിയായ അരൂരിൽ ഉച്ചക്ക് 2ന് ജില്ലാ നേതാക്കൾ സ്വീകരിക്കും. തുടർന്ന് നിരവധി വാഹനങ്ങളുടെ അകമ്പടിയോടെ പൂച്ചാക്കൽ വഴി ചേർത്തലയിൽ എത്തും. വൈകിട്ട് 3ന് വി.ടി.എ.എം ഹാളിൽ നടക്കുന്ന സ്വീകരണ സമ്മേളനത്തിൽ മന്ത്രി പി.പ്രസാദ് അദ്ധ്യക്ഷത വഹിക്കും. സ്മൃതിയാത്ര ക്യാപ്റ്റൻ കെ.പി.രാജേന്ദ്രൻ, ഡയറക്ടർ സത്യൻ മൊകേരി, ടി.വി.ബാലൻ, ടി.ടി.ജിസ്‌മോൻ, ഇ.എസ്.ബിജിമോൾ, പി.കബീർ എന്നിവർ സംസാരിക്കും. നാളെ രാവിലെ 9 ന് എം.സി റോഡിൽ ചെങ്ങന്നൂർ പ്രാവിൻ കൂട്ടിൽ നിന്ന് കാരയ്ക്കാട് വരെ സ്മൃതി യാത്രയ്ക്ക് വരവേൽപ്പ് നൽകും.