ആലപ്പുഴ : നിരവധി കേസുകളിലെ പ്രതിയായ യുവാവ് 18 വർഷത്തിന് ശേഷം പിടിയിലായി.
മട്ടാഞ്ചേരി കപ്പലണ്ടിമൂക്ക് മേപ്പറമ്പ് വീട്ടിൽ അഷ്‌കർ (37) ആണ് പൂച്ചാക്കൽ പൊലീസിന്റെ പിടിയിലായത്. 2006ൽ അരൂക്കുറ്റിയിൽ സംഘം ചേർന്ന് വീട് ആക്രമിച്ച കേസിലെ പ്രതിയാണ് അഷ്‌ക്കർ. മറ്റു പ്രതികൾ നേരത്തെ പിടിയിലായിരുന്നു. പൂച്ചാക്കൽ ഇൻസ്‌പെക്ടർ എൻ.ആർ.ജോസിന്റെ നേതൃത്വത്തിൽ സീനിയർ സി.പി.ഒമാരായ എം.അരുൺകുമാർ, ടെൽസൺ തോമസ്, പി.ആർ.രതീഷ്, സ്‌പെഷ്യൽ ബ്രാഞ്ച് സ്റ്റാഫ് മനു മോഹൻ എന്നിവരടങ്ങുന്ന അന്വേഷണ സംഘമാണ് പ്രതിയെ പിടികൂടിയത്. പ്രതിയെ റിമാൻഡ് ചെയ്തു.