ആലപ്പുഴ: നെഹ്റു ട്രോഫി വള്ളംകളിയുടെ ഭാഗമായി പബ്ലിസിറ്റി കമ്മിറ്റി സംഘടിപ്പിച്ച കമന്ററി മത്സരം ആലപ്പുഴ സെന്റ് ജോസഫ്സ് കോളേജിൽ നടന്നു. വയനാട് ദുരന്തത്തിന്റെ പശ്ചാത്തലത്തിൽ ഔദ്യാഗിക ചടങ്ങുകളില്ലാതെയാണ് മത്സരം നടന്നത്. എച്ച്.എസ്- എച്ച്.എസ്.എസ്, പൊതുവിഭാഗങ്ങളിലായാണ് മത്സരങ്ങൾ നടന്നത്. എച്ച്.എസ് - എച്ച്.എസ്.എസ് വിഭാഗത്തിൽ കുട്ടമംഗലം എസ്.എൻ.ഡി.പി.എച്ച്.എസ്.എസിലെ സി.ആർ.ബ്രൂട്ടോ, കൊടുപുന്ന ജി.എച്ച്.എസിലെ കെ.എസ്.സോജിൻ, പുറക്കാട് എസ്.എൻ.എച്ച്.എസ്.എസിലെ എസ്. ഷാഹിം മഹ്‌മ്മൂദ് എന്നിവർ യഥാക്രമം ആദ്യ മൂന്ന് സ്ഥാനങ്ങൾ കരസ്ഥമാക്കി. പൊതു വിഭാഗത്തിൽ സെന്റ് ജോസഫ്സ് കോളേജിലെ ജാനകി ബി.നാഥ് ഒന്നാം സ്ഥാനവും പച്ച ചെക്കിടിക്കാട് സ്വദേശി ജോസ് ജെ.വെട്ടിയിൽ, സെന്റ് ജോസഫ്സ് കോളജ് ഫോർ വിമൻസിലെ കെ.എസ്. അദീന സോണി എന്നിവർ രണ്ടും മൂന്നും സ്ഥാനങ്ങൾ നേടി.

മുൻ എം.എൽ.എ സി.കെ. സദാശിവൻ, കെ.നാസർ, രമേശൻ ചെമ്മാപറമ്പിൽ, അബ്ദുൾ സലാം ലബ്ബ , എം.വി. ഹൽത്താഫ്, എ.വി.മുരളി, സെന്റ് ജോസഫ്സ് കോളേജ് മലയാളം വിഭാഗം അദ്ധ്യാപിക റെജിമോൾ ജോസ് തുടങ്ങിയവർ പങ്കെടുത്തു. പ്രൊഫ. ചെറിയാൻ അലക്സാണ്ടർ, ഹരികുമാർ വാലേത്ത്, വിനോദ് കാരിച്ചാൽ എന്നിവർ വിധികർത്താക്കളായി.