കൊച്ചി: സർക്കാർ ഉത്തരവുപ്രകാരം ഭൂമി തരംമാറ്റത്തിന്റെ ഫയൽ കൈമാറ്റവുമായി ബന്ധപ്പെട്ട് ഫോർട്ട് കൊച്ചി റവന്യു ഡിവിഷണൽ ഓഫീസിൽ ജൂലായ് ഒന്നു മുതൽ ആറു വരെ അന്വേഷണ കൗണ്ടർ പ്രവർത്തിക്കില്ലെന്ന് അധികൃതർ അറിയിച്ചു. കൊച്ചി താലൂക്ക് പരിധിയിലെ അപേക്ഷകൾ മാത്രമാണ് പരിഗണിക്കുന്നത്. ഏഴ് മുതൽ എല്ലാ ദിവസവും അന്വേഷണ കൗണ്ടർ തുറന്ന് പ്രവർത്തിക്കുമെന്നും റവന്യൂ ഡിവിഷണൽ ഓഫീസ് സീനിയർ സൂപ്രണ്ട് അറിയിച്ചു. പുതിയ ഉത്തരവ് പ്രകാരം ഭൂമി തരം മാറ്റവുമായി ബന്ധപ്പെട്ട അപേക്ഷകൾ റവന്യൂ ഡിവിഷണൽ ഓഫീസറെ കൂടാതെ ഡെപ്യൂട്ടി കളക്ടർ പദവിയിൽ താഴെയല്ലാത്ത ഉദ്യോഗസ്ഥരെ കൂടി നിയമിച്ച് താലൂക്ക് തലത്തിൽ പരിഗണിച്ച് അതിവേഗം തീർപ്പാക്കും.