പറവൂർ: ഡോ. ഗീതാ സൂരാജ് രചിച്ച ശ്രീനാരായണ ഗുരുദേവന്റെ പാമ്പാട്ടിചിന്ത് കുണ്ഡലിനിപ്പാട്ടിന്റെ ഒരു പുനർചിന്തനം എന്ന പുസ്തകം ആലുവ അദ്വൈതാശ്രമം സെക്രട്ടറി സ്വാമി ധർമ്മ ചൈതന്യ പ്രതിപക്ഷനേതാവ് വി.ഡി. സതീശൻ നൽകി പ്രകാശനം ചെയ്തു. എസ്.എൻ.ഡി.പി യോഗം പറവൂർ യൂണിയൻ ചെയർമാൻ സി.എൻ. രാധാകൃഷ്ണൻ അദ്ധ്യക്ഷനായി. ബീന പള്ളുരുത്തി പാമ്പാടിചിന്ത് ആലാപിച്ചു. പറവൂർ നഗരസഭ ചെയർപേഴ്സൺ ബീന ശശിധരൻ, പറവൂർ യൂണിയൻ കൺവീനർ ഷൈജു മനയ്ക്കപ്പടി. മാല്യങ്കര എസ്.എൻ.എം കോളേജ് പ്രിൻസിപ്പൽ ഡോ. ടി.എച്ച്. ജിത, ശ്രീനാരായണ സൗരഭം മാനേജിംഗ് എഡിറ്റർ ശിവരാമൻ ന്യൂഡൽഹി, ഗുരുദേവൻ മാസിക മാനേജിംഗ് ഡയറക്ടർ ഓംകാർ, ഷിബു എ.എൻ.എ പവിഴം, ടി.എസ്. ജയൻ, പി.എസ്. സനീഷ്, ജയന്തി മോഹൻ എന്നിവർ സംസാരിച്ചു. ഡോ. ഗീതാ സുരാജ് മറുപടി പ്രസംഗം നടത്തി. പറവൂർ ഗുരുദേവ പഠനകേന്ദ്രമാണ് പ്രസാധകർ.