പറവൂർ: സംസ്കൃത പണ്ഡിതനും നന്ത്യാട്ടുകുന്നം എസ്.എൻ.വി സംസ്കൃതം സ്കൂൾ സ്ഥാപകനുമായ ഡോ. പി.ആർ. ശാസ്ത്രി അനുസ്മരണ സമ്മേളനവും സ്കൂളിന്റെ ഒരുവർഷം നീണ്ടുനിൽക്കുന്ന നവതി ആഘോഷങ്ങളുടെ ഉദ്ഘാടനവും എൻ.പി.ഒ.എൽ ഡയറക്ടർ ഡോ. ദുവ്വൂരി ശേഷഗിരി നിർവഹിച്ചു. എസ്.എൻ.ഡി.പി യോഗം പറവൂർ യൂണിയൻ ചെയർമാൻ സി.എൻ. രാധാകൃഷ്ണൻ അദ്ധ്യക്ഷനായി. വിദ്യാർത്ഥികൾക്കുള്ള എൻഡോവ്മെന്റുകൾ യൂണിയൻ കൺവീനർ ഷൈജു മനയ്ക്കപ്പടി വിതരണം ചെയ്തു. നവതി ആഘോഷങ്ങളുടെ ലോഗോ ജോയിന്റ് റീജിണൽ ട്രാൻസ്പോർട്ട് ഓഫീസർ ബി. ഷേ‌ർളി പ്രകാശനം ചെയ്തു. മുഖ്യപ്രഭാഷണം നഗരസഭ ചെയർപേഴ്സൺ ബീന ശശിധരനും ഡോ. പി.ആർ. ശാസ്ത്രി അനുസ്മരണം എസ്.എൻ.വി സ്കൂൾ മുൻ പ്രിൻസിപ്പൽ എം.വി. ഷാജിയും അനുഗ്രഹ പ്രഭാഷണം യോഗം ഡയറക്ടർ എം.പി. ബിനുവും നടത്തി. യോഗം ഡയറക്ടർമാരായ പി.എസ്. ജയരാജ്, ഡി. ബാബു, നഗരസഭാ പ്രതിപക്ഷനേതാവ് ടി.വി. നിഥിൻ, വൈസ് ചെയർമാൻ എം.ജെ. രാജു, പി.ടി.എ. പ്രസിഡന്റ് കെ.ബി. സുഭാഷ്, പ്രിൻസിപ്പൽ വി. ബിന്ദു, ഹെഡ്മാസ്റ്റർ സി.കെ. ബിജു, ഡോ. ശ്രീരാജ്, യൂണിയൻ കമ്മിറ്റി അംഗങ്ങളായ കണ്ണൻ കൂട്ടുകാട്, ഡി. പ്രസന്നകുമാർ, വി.എൻ. നാഗേഷ്, വി.പി. ഷാജി, ടി.എം. ദിലീപ്, സ്റ്റാഫ് സെക്രട്ടറി പി. മോഹൻകുമാർ, കെ.വി. സാഹി എന്നിവർ സംസാരിച്ചു. നഗരത്തിൽ വിദ്യാർത്ഥികളും അദ്ധ്യാപകരും രക്ഷിതാക്കളും പങ്കെടുത്ത ഘോഷയാത്ര നടന്നു. എസ്.എൻ.ഡി.പി യോഗം പറവൂർ യൂണിയനും എസ്.എൻ.വി സംസ്കൃതം ഹയർ സെക്കൻഡറി സ്കൂളും പി.ടി.എയും സംയുക്തമായാണ് സമ്മേളനം നടത്തുന്നത്.