മൂവാറ്റുപുഴ: നിർമല കോളേജിൽ (ഓട്ടോണോമസ്)പി .ജി കോഴ്സുകളിലേക്കുള്ള പട്ടികജാതി- പട്ടിക വർഗ്ഗ വിഭാഗത്തിൽപ്പെട്ടവർക്കായുള്ള രണ്ടാം പ്രത്യേക അലോട്ട്മെന്റിന്റെ ഓൺലൈൻ രജിസ്ട്രേഷൻ ആരംഭിച്ചു. കെമിസ്ട്രി, സൂവോളജി, ടൂറിസം, കൊമേഴ്സ്, ഇംഗ്ലീഷ്, മലയാളം, ഹിന്ദി, മാനേജ്മെന്റ്, ഇക്കണോമിക്‌സ്, സ്റ്റാറ്റിസ്റ്റിക്സ് എന്നീ കോഴ്സുകളിലേക്കുള്ള രജിസ്ട്രേഷനാണ് ആരംഭിച്ചത്. 4ന് വൈകിട്ട് 4 വരെ www.nirmalacollege.ac.in എന്ന വെബ്സൈറ്റിലൂടെ വിദ്യാർത്ഥികൾക്ക് അപേക്ഷിക്കാം. നിലവിൽ പട്ടികജാതി- പട്ടിക വർഗ്ഗ കോട്ടയിലേക്ക് അപേക്ഷിച്ച വിദ്യാർഥികൾക്ക് വീണ്ടും അപേക്ഷിക്കാൻ ഫീസ് അടയ്ക്കേണ്ടതില്ല. പട്ടികജാതി- പട്ടികവർഗ്ഗ വിഭാഗക്കാർക്കായുള്ള പ്രത്യേക അലോട്ട്മെന്റുകൾക്ക് ശേഷമാണ് സപ്ലിമെന്ററി അലോട്ട്മെന്റ് നടത്തുന്നത്. റാങ്ക് ലിസ്റ്റ് 5ന് കോളേജിൽ പ്രസിദ്ധീകരിക്കും.