കൂത്താട്ടുകുളം: കൂത്താട്ടുകുളം മേഖലയിലെ റസിഡൻസ് അസോസിയേഷനുകൾ,​ ജനമൈത്രി പോലീസ്, കാർഷിക വികസന സമിതി കൂട്ടായ്മ എന്നിവയുടെ നേതൃത്വത്തിൽ പോലീസ് ക്വാർട്ടേഴ്സ് പരിസരത്ത്
കൃഷി ആരംഭിച്ചു. നഗരസഭ ചെയർപേഴ്സൺ വിജയ ശിവൻ ഉദ്ഘാടനം ചെയ്തു. ഹരിത സമൃദ്ധി പ്രസിഡന്റ്
കെ. മോഹനൻ അദ്ധ്യക്ഷനായി. ജനമൈത്രി പോലീസ് കൺവീനർ പി.സി. മർക്കോസ്,​ നഗരസഭ വൈസ് ചെയർമാൻ സണ്ണി കുര്യാക്കോസ്,​ കൗൺസിലർമാരായ പ്രിൻസ് പോൾ ജോൺ, ഷിബി ബേബി,​ പോലീസ് ഉദ്യോഗസ്ഥരായ പി.എം. പ്രതാപ്, അനിൽ കുമാർ,​ മർക്കോസ് ഉലഹന്നാൻ,​ പി.ജി. സുനിൽകുമാർ,​ കൃഷി ഓഫീസർ അമിത. എം. ജോർജ് തുടങ്ങിയവർ പങ്കെടുത്തു.