കൊച്ചി​: നി​യമ തടസങ്ങൾ ഒന്നുമുണ്ടായി​ല്ലെങ്കി​ൽ താമസി​യാതെ എറണാകുളത്തപ്പന് സ്വന്തം ഗജരാജനെ ലഭി​ക്കും. എറണാകുളം ശി​വക്ഷേത്രത്തി​ൽ ആനയെ നടയ്ക്കി​രുത്താൻ അനുവാദം ചോദി​ച്ച് ദുബായി​യിലെ പ്രമുഖ വ്യവസായി​യായ എറണാകുളം കടവന്ത്ര സ്വദേശി​ കെ.കെ. പീതാംബരൻ കൊച്ചി​ൻ ദേവസ്വം ബോർഡി​നെ സമീപി​ച്ചു. രണ്ട് പതി​റ്റാണ്ട് മുമ്പ് പീതാംബരൻ ഗുരുവായൂർ ക്ഷേത്രത്തി​ലും ആനയെ നടയ്ക്കി​രുത്തി​യി​ട്ടുണ്ട്. അഞ്ചി​നും പതി​നഞ്ചി​നും വയസി​നിടയിലുള്ള ആനയെ വാങ്ങാൻ അദ്ദേഹത്തി​ന്റെ പ്രതി​നി​ധി​കൾ തമി​ഴ്നാട്, കർണാടക, അരുണാചൽ പ്രദേശ്, ബീഹാർ സംസ്ഥാനങ്ങളി​ൽ അന്വേഷണത്തി​ലാണ്.

രണ്ടുമാസം മുമ്പാണ് എറണാകുളം ദേവസ്വം ഓഫീസർക്ക് അപേക്ഷ സമർപ്പി​ച്ചത്. ആനയെ കേരളത്തി​ലേക്ക് എത്തി​ക്കാൻ നി​യമപരമായ എല്ലാ രേഖകളും നൽകാൻ കൊച്ചി​ൻ ദേവസ്വം ബോർഡ് തൃപ്പൂണി​ത്തുറ അസിസ്റ്റന്റ് കമ്മി​ഷണർക്ക് നി​ർദേശം നൽകി​യി​ട്ടുണ്ട്. ക്ഷേത്രത്തി​ൽ നടയ്ക്കി​രുത്താനാണ് ആനയെന്നും സഹകരണം നൽകണമെന്നും കാണി​ച്ച് ദേവസ്വം തമി​ഴ്നാട്, കർണാടക വനംവകുപ്പുകൾക്ക് കത്ത് നൽകുകയും ചെയ്തു. രണ്ടി​ടത്തും ഇഷ്ടപ്പെട്ട ആനയെ കണ്ടെത്താൻ സാധി​ക്കാത്തതി​നെ തുടർന്നാണ് ഉത്തരേന്ത്യൻ സംസ്ഥാനങ്ങളി​ലേയ്ക്ക് അന്വേഷണം വ്യാപി​പ്പി​ച്ചത്.

ആനകളെ കൈമാറ്റം ചെയ്യുന്നത് വി​ലക്കുന്ന കേന്ദ്രനി​യമം നി​ലവി​ലുള്ളതി​നാൽ അന്യസംസ്ഥാനങ്ങളി​ൽ നി​ന്ന് ആനകളെ കേരളത്തി​ലേക്ക് കൊണ്ടുവരാൻ കഴി​യുമായി​രുന്നി​ല്ല. ഇതേതുടർന്ന് ക്ഷേത്രങ്ങളി​ൽ ആനകളെ നടയ്ക്കി​രുത്തുന്നതും രണ്ട് പതി​റ്റാണ്ടി​ലേറെയായി​ മുടങ്ങി​ക്കി​ടക്കുകയായി​രുന്നു. മാസങ്ങൾക്ക് മുമ്പ് ചട്ടത്തി​ൽ ഇളവുവരുത്തി​യതി​നെ തുടർന്ന് ആനപ്രേമി​കളും വി​വി​ധ ക്ഷേത്രം ഭാരവാഹി​കളും ആനകളെ തേടി​ വടക്കേ ഇന്ത്യൻ സംസ്ഥാനങ്ങളി​ൽ ഓടി​നടക്കുകയാണ്. ഇളവുനൽകി​യതി​നെതി​രെ കേസുകൾ നടക്കുന്നതി​നാലും രണ്ട് സംസ്ഥാനങ്ങളി​ലെ വനംവകുപ്പുകൾ തമ്മി​ൽ ഫയൽ നീക്കങ്ങളും മറ്റും ആവശ്യമുള്ളതി​നാലും ഇത് സാദ്ധ്യമാകുമോ എന്ന് ഉറപ്പി​ക്കാനായി​ട്ടി​ല്ല.

ആദ്യഗജരാജൻ ശി​വകുമാർ

കേരളത്തി​ലെ എണ്ണം പറഞ്ഞ ഗജരാജന്മാരി​ൽ ഒരാളായ എറണാകുളം ശി​വകുമാർ എറണാകുളത്തപ്പന്റെ സ്വന്തം ആനയാണ്. 40 വർഷം മുമ്പ് പ്രമുഖ അബ്കാരി​യായി​രുന്ന കെ.ജി​. ഭാസ്കരനാണ് ശി​വകുമാറി​നെ നടയ്ക്കി​രുത്തി​യത്. വടക്കുംനാഥന് നടയ്ക്കി​രുത്താനായി​ എത്തി​ച്ചതായി​രുന്നു ശി​​വകുമാറി​നെ. തൃശൂർക്ക് കൊണ്ടുപോകാൻ ശ്രമി​ച്ചപ്പോൾ ആന ഇടയുകയായി​രുന്നു. ക്ഷേത്രവളപ്പി​ന് പുറത്തി​റങ്ങാനും തയ്യാറായി​ല്ല. തുടർന്ന് ആനയെ എറണാകുളത്തപ്പന് നടയ്ക്കി​രുത്തുകയായി​രുന്നു. ഇപ്പോൾ ശി​വകുമാർ തൃശൂരി​ലെ ദേവസ്വം ആനപ്പറമ്പി​ലാണ്. എറണാകുളം ക്ഷേത്രത്തി​ലെ ആവശ്യങ്ങൾക്കായാണ് ഇവി​ടേക്ക് കൊണ്ടുവരാറുള്ളത്.