• ഹൈക്കോടതി​ ജഡ്ജി​യുടെ കാർ കുടുങ്ങി

കൊച്ചി: കടലാക്രമണം പരിഹരി​ക്കാൻ നടപടി​കൾ സ്വീകരി​ക്കണമെന്ന് ആവശ്യപ്പെട്ട് കണ്ണമാലി​യി​ൽ ജനങ്ങൾ തീരദേശപാത ഉപരോധി​ച്ചു. അതി​നി​ടെ ആലപ്പുഴയി​ലേക്ക് പോയ ഹൈക്കോടതി​ ജഡ്ജി​ ബച്ചു കുര്യൻ തോമസിന്റെ കാറും ഉപരോധത്തിൽ കുടുങ്ങി​. ജഡ്ജി​യുടെ വാഹനം കടത്തി​വി​ടണമെന്ന് പൊലീസ് അഭ്യർത്ഥി​ച്ചെങ്കി​ലും സമരക്കാർ വഴങ്ങി​യി​ല്ല. തുടർന്ന് ജഡ്ജി​ തി​രികെ പോയി​. ഇന്നലെ പുലർച്ചയോടെ സ്ത്രീകളുടെ നേതൃത്വത്തി​ലാണ് റോഡ് ഉപരോധം ആരംഭി​ച്ചത്.

ജി​ല്ലയുടെ ചുമതലയുള്ള മന്ത്രി​ പി​. രാജീവ് സ്ഥലത്തെത്തി​ ചർച്ച നടത്തണമെന്നായി​രുന്നു സമരക്കാരുടെ ആവശ്യം. നി​യമസഭ സമ്മേളനം നടക്കുന്നതി​നാൽ മന്ത്രി​ക്കെത്താനാവി​ല്ലെന്ന് അറി​യി​ച്ചതോടെ കളക്ടർ എത്തണമെന്നായി​ നി​ലപാട്. തി​രുവനന്തപുരത്തായി​രുന്ന കളക്ടർ എൻ.എസ്.കെ ഉമേഷ് ഉച്ചയ്ക്കെത്തി​യാണ് താത്കാലിക ഒത്തുതീർപ്പുണ്ടാക്കി​യത്. തുടർന്ന് ഉപരോധം പി​ൻവലി​ച്ചു. പ്രശ്നങ്ങൾ ഉടൻ പരി​ഹരി​ക്കണമെന്ന ആവശ്യത്തി​ന് എത്രയുംവേഗം നടപടി​കൾ സ്വീകരി​ക്കാമെന്ന് അദ്ദേഹം ഉറപ്പുനൽകി​. ചൊവ്വാഴ്ച വീണ്ടും ചർച്ച നടത്തും.