മൂവാറ്റുപുഴ: നഗരസഭ 21-ാം വാർഡിൽ ആരംഭിച്ച ചെണ്ടുമല്ലിയുടെ വിത്ത് നടീൽചടങ്ങിന്റെ ഉദ്‌ഘാടനം ഡോ. മാത്യു കുഴൽനാടൻ എം.എൽ.എ നിർവഹിച്ചു. വാർഡ്കൗൺസിലർ ജിനു ആന്റണി അദ്ധ്യക്ഷനായി. വാർഡിലെ ജനകീയ കൂട്ടായ്മ കൃഷിഭവനുമായി സഹകരിച്ചാണ് കൃഷി ആരംഭിച്ചിരിക്കുന്നത്. നഗരസഭ ചെയർമാൻ പി.പി. എൽദോസ്, കൗൺസിലർ ജോളി മണ്ണൂർ,​ അഡ്വ. ഒ.വി. അനീഷ്, റാം മോഹൻ, സുരേഷ്, സിസ്റ്റർ റാണിറ്റ്, സിസ്റ്റർ ജെസ്സിൻ തുടങ്ങിയവർ സംസാരിച്ചു.