മരട്: കുണ്ടന്നൂർ -തേവര പാലത്തിന്റെ ശോചനീയാവസ്ഥ പരിഹരിക്കുന്നതിന്റെ ഭാഗമായി മരട് നഗരസഭയുടെ നേതൃത്വത്തിൽ തേവര എ.സി.പി ഓഫീസിൽ ട്രാഫിക് മേധാവികളുടെ സാന്നിദ്ധ്യത്തിൽ യോഗം ചേർന്നു. 9-ാം തീയതി രാത്രി 11 മുതൽ 2 ദിവസത്തേക്ക് അറ്റകുറ്റപ്പണികൾക്കായി പാലം താത്കാലികമായി അടച്ചിടാൻ തീരുമാനമായി. നഗരസഭാ ചെയർമാൻ ആന്റണി ആശാൻപറമ്പിൽ, എ.സി.പി പി. രാജ്കുമാർ, മരട് വൈസ് ചെയർപേഴ്സൺ അഡ്വ. രശ്മി സനിൽ, പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സൺ ശോഭാ ചന്ദ്രൻ, കൗൺസിലർമാരായ അജിത നന്ദകുമാർ, പി.ഡി. രാജേഷ്, ചന്ദ്രകലാധരൻ, പൊതുമരാമത്ത് വകുപ്പ് ഉപവിഭാഗം അസി. എൻജിനിയർ പി.ജെ. ഷിബു, സൈറ്റ് മാനേജർ രാഗാന്ധ്, ഓവർസിയർ സുജാത എന്നിവർ സംബന്ധിച്ചു.

വെള്ളിയാഴ്ച രാവിലെ പാലം തുറന്ന് ഗതാഗതം പുന:സ്ഥാപിക്കാനാണ് തീരുമാനമെന്ന് നഗരസഭാ ചെയർമാൻ ആന്റണി ആശാൻപറമ്പിൽ അറിയിച്ചു.