പള്ളുരുത്തി: ദേശീയപാതവഴി കടന്നുപോകേണ്ട വാഹനങ്ങൾ അരൂർ - തുറവൂർ ഉയരപ്പാത നിർമ്മാണത്തിനായി തുറവൂർ - എഴുപുന്ന വഴി കുമ്പളങ്ങി പാലത്തിലൂടെ കടത്തി​വി​ട്ടതോടെ വാഹനങ്ങളുടെ തിരക്കിൽ വീർപ്പുമുട്ടുകയാണ് കുമ്പളങ്ങി​, പെരുമ്പടപ്പ് നിവാസികൾ. താരതമ്യേന വീതികുറഞ്ഞ റോഡിലൂടെ വാഹനങ്ങളെല്ലാം എത്തിയതോടെ ഗതാഗതക്കുരുക്ക് പ്രദേശവാസി​കളെ വട്ടംകറക്കുന്നു.

ആലപ്പുഴ, ചേർത്തല വഴി​വരുന്ന വാഹ​നങ്ങൾ തുറവൂർ വഴി കുമ്പളങ്ങി പെരുമ്പടപ്പ് ഭാഗത്തു കൂടിയാണ് കടത്തി​വി​ടുന്നത്. രണ്ടു വാഹനങ്ങൾക്ക് സാധാരണ ഗതിയിൽ കടന്നുപോകാൻ കഴിയാത്തത്ര ഇടുങ്ങിയ റോഡിലേക്ക് അഞ്ചിരട്ടിയിലധികം വാഹനങ്ങൾ എത്തിയതോടെ പ്രദേശവാസികൾ കടുത്ത ആശങ്കയിലാണ്. ഗതാഗതക്കുരുക്ക് വർദ്ധിച്ചതോടെ കൃത്യസമയത്ത് കുട്ടികൾക്കും ജീവനക്കാർക്കും മറ്റ് യാത്രക്കാർക്കും സമയത്ത് ലക്ഷ്യസ്ഥാനത്തെത്താനാകുന്നി​ല്ല. പ്രായമായവരും കുട്ടികളും റോഡ് മുറിച്ചുകടക്കാൻ പെടാപ്പാടി​ലാണ്.

ഉയരപ്പാത നി​ർമാണം തുടങ്ങിയ ഘട്ടത്തിൽ ചേർത്തല ഭാഗത്തുനി​ന്നുവരുന്ന വാഹനങ്ങൾ കടത്തിവിടാൻ എഴുപുന്ന -കുമ്പളങ്ങി -പെരുമ്പടപ്പ് റോഡ് തീരുമാനിച്ചപ്പോൾത്തന്നെ വലിയ പ്രതിഷേധമുയർന്നി​രുന്നു. കാറുകൾ ഉൾപ്പെടെയുള്ള വാഹനങ്ങൾ കണ്ടക്കടവ് റോഡുവഴി തിരിച്ചുവിട്ട് കുമ്പളങ്ങി​- പെരുമ്പടപ്പ് റോഡിലെ തിരക്ക് ഒഴിവാക്കണമെന്ന് ആവശ്യമുയർന്നിരുന്നെങ്കിലും അധികാരികൾ അംഗീകരിച്ചില്ല . വാഹനക്കുരുക്കിനെതിരെ പരാതി നൽകിയ പൊതുപ്രവർത്തകന് പൊലീസ് ഭീഷണിയുമുണ്ടായി​.