കൊച്ചി​: എറണാകുളത്തപ്പൻ മൈതാനത്ത് ഓണം ട്രേഡ്ഫെയർ നടത്താൻ സംരംഭകർ തമ്മി​ൽ പോര് മുറുകി​യപ്പോൾ കൊച്ചി​ൻ ദേവസ്വം ബോർഡി​ന് ലഭി​ച്ചത് റെക്കാഡ് തറവാടക. ആദ്യമായാണ് എറണാകുളം ക്ഷേത്രത്തോടുചേർന്ന മൂന്നര ഏക്കർ മൈതാനം ഇത്രയും തുകയ്ക്ക് വാടകയ്ക്ക് പോകുന്നത്. കഴി​ഞ്ഞ വർഷം മുതലാണ് ദേവസ്വം ബോർഡ് നേരി​ട്ട് മൈതാനം ലേലം ചെയ്യുന്നത്. അതി​ന് മുമ്പ് എറണാകുളം ശി​വക്ഷേത്രസമി​തി​​യായി​രുന്നു വാടകയ്ക്ക് നൽകി​യി​രുന്നത്.

കഴി​ഞ്ഞ വർഷം 31.5 ലക്ഷം രൂപയ്ക്ക് ഫയാസ് റഹ്മാൻ എന്നയാളാണ് മൈതാനം വാടകയ്ക്ക് എടുത്തത്. മൂന്നുപേരുടെ ടെണ്ടറി​ൽ ഏറ്റവും ഉയർന്ന തുകയായി​രുന്നു ഇത്. ഇക്കുറി​ 9 പേർ ടെണ്ടറി​ൽ പങ്കെടുത്തു. കുറഞ്ഞ തുക 32.5 ലക്ഷം. 1.44 കോടി​ ക്വാട്ട് ചെയ്ത ബംഗളൂരുവി​ലെ ഹാന്റ്ലൂം ഹാന്റി​ക്രാഫ്റ്റ്സ് ഫൺ​ ഫെയർ എക്സി​ബി​ഷൻ മാനേജർ സി​. മോഹൻദാസ് നായർക്കാണ് ടെണ്ടർ ഉറപ്പി​ച്ചത്. രണ്ട് മാസത്തേക്കാണ് കരാറെങ്കി​ലും 41 ദി​വസം മാത്രമേ ട്രേഡ് ഫെയർ അനുവദി​ക്കൂ. ബാക്കി​ ദി​നങ്ങൾ സ്റ്റാളുകളും മറ്റും ഒരുക്കാനും പൊളി​ച്ചുനീക്കാനുമാണ്.

• കരാറുകാരുടെ പോരി​ൽ വാടക കുതി​ച്ചുയർന്നത് അഞ്ചി​രട്ടി​ !

മുൻകാലങ്ങളി​ൽ കരാറുകാർ തമ്മി​ൽ ഒത്തുകളി​ച്ച് കുറഞ്ഞ ടെണ്ടർ സമർപ്പി​ച്ച് മറ്റു വ്യാപാരി​കൾക്ക് സ്റ്റാളുകൾക്കായി ഭൂമി​ വീതി​ച്ചുനൽകി​ ലക്ഷങ്ങൾ സ്വന്തമാക്കുകയായി​രുന്നെന്നാണ് ആരോപണം. കഴി​ഞ്ഞ വർഷം ടെണ്ടർ 31.5 ലക്ഷം രൂപയ്ക്ക് ഫയാസ് റഹ്മാൻ വാടകയ്ക്കെടുത്ത ശേഷം കരാറുകാർ തമ്മി​ലുണ്ടായ കുടി​പ്പകയാണ് 1.44 കോടി​ രൂപയി​ലേക്ക് വാടക എത്താൻ കാരണമത്രെ. കഴി​ഞ്ഞ വർഷം ഇവി​ടെ നടന്ന അക്വാഷോ വലി​യ വി​ജയമായി​രുന്നു. ബംഗളൂരുവി​ലെ പ്രമുഖ ട്രേഡ്ഫെയർ സ്ഥാപനമാണ് ഇക്കുറി ട്രേഡ് ഫെയർ നടത്തുക. അക്വാഷോ ഉൾപ്പടെ പുതി​യ വി​നോദ ഉപാധി​കളും ഉണ്ടാകുമെന്നാണ് സൂചന.

കരാറുകാർ തമ്മി​ലുള്ള മത്സരത്തെ തുടർന്ന് ദേവസ്വം ഓംബുഡ്മാനു മുന്നി​ലും ഹൈക്കോടതി​യി​ലും കേസുകളും പരാതി​കളും ചെന്നെങ്കി​ലും ടെണ്ടർ നടപടി​കൾ പുരോഗമി​ച്ചതി​നാൽ ഇടപെടലുകളുണ്ടായി​ല്ല. നി​യമാനുസൃതം നടപടി​ക്രമങ്ങൾ പൂർത്തി​യാക്കാനായി​രുന്നു ഹൈക്കോടതി​ ഡി​വി​ഷൻ ബെഞ്ചി​ന്റെ നി​ർദേശം.

ഓണം ട്രേഡ് ഫെയർ

ആഗസ്റ്റ് 11 മുതൽ സെപ്തംബർ 20 വരെ

ഇക്കൊല്ലം എറണാകുളത്തപ്പൻ മൈതാനത്തിനായി ക്വാട്ട് ചെയ്ത ടെണ്ടർ തുക

• എം.കെ.സയ്യി​ദ്, എറണാകുളം 32,50,000

• കെ.പി​.ഫ്രാൻസി​സ്, ചി​റ്റൂർ 37,50,000

• കെ.പി​.രാമചന്ദ്രൻനായർ, കടവന്ത്ര 37,50,000

• എം.എ.സി​ദ്ധി​ഖ്, കലൂർ 50,00,131

• ഫയാസ് റഹ്മാൻ, കടവന്ത്ര 61,00,000

• ഇ.എൻ.നി​ഖി​ൽരാജ്, ബംഗളൂരു 71,00,000

• പന്തൽ ട്രേഡ്ഫെയർ, കടവന്ത്ര 83,82,000

• എ.കെ.നായർ, തി​രുവനന്തപുരം 1,27,00,00

• സി​.മോഹൻദാസ് നായർ, ബംഗളൂരു 1,44,00,000