കൊച്ചി: നിയമങ്ങൾ നടപ്പിലാക്കുമ്പോൾ അതുമായി ബന്ധപ്പെട്ട മേഖലകളിലുള്ള സംഘടനകളുമായി ചർച്ച ചെയ്യണമെന്ന് ഹൈബി ഈഡൻ എം.പി പറഞ്ഞു.

കോൺട്രാക്ട് കാര്യേജ് ഓപ്പറേറ്റേഴ്‌സ് അസോസിയേഷൻ (സി.സി.ഒ.എ) പ്രഥമ സംസ്ഥാന സമ്മേളനത്തിന്റെ ഭാഗമായി നടന്ന പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സി.സി.ഒ.എ സംസ്ഥാന പ്രസിഡന്റ് ബിനു ജോൺ അദ്ധ്യക്ഷത വഹിച്ചു. ബി.ഒ.സി.ഐ പ്രസിഡന്റ് പ്രസന്ന പട്‌വർധൻ മുഖ്യപ്രഭാഷണം നടത്തി. ബി.ഒ.സി.ഐ ദേശീയ സമിതി അംഗം ബാബു പണിക്കർ ഡോക്യുമെന്ററി പ്രകാശനം നിർവ്വഹിച്ചു. മനോജ് പടിക്കൽ, എസ്. പ്രശാന്തൻ, രാജു ഗരുഡ, എ.ജെ. റിജാസ് തുടങ്ങിയവർ സംസാരിച്ചു. ഇന്ന് പ്രതിനിധി സമ്മേളനവും തിരഞ്ഞെടുപ്പും നടക്കും.