കൊച്ചി: ശ്രീനാരായണഗുരു ഓപ്പൺ യൂണിവേഴ്സിറ്റി നടത്തുന്ന 28 യു.ജി, പി.ജി കോഴ്സുകൾക്കും യു.ജി.സി അംഗീകാരമുണ്ടെന്ന് വൈസ് ചാൻസലർ പ്രൊഫ. ഡോ. വി​.പി​. ജഗതി​രാജ് അറിയിച്ചു. യു.ജി​.സി അംഗീകാരം ലഭി​ച്ച ശേഷമാണ് കോഴ്സുകൾ ആരംഭി​ച്ചതെന്നും മറ്റ് യൂണി​വേഴ്സി​റ്റി​കളുടെ സർട്ടി​ഫി​ക്കറ്റും ശ്രീനാരായണഗുരു യൂണി​വേഴ്സി​റ്റി സർട്ടി​ഫി​ക്കറ്റും തുല്യമാണെന്നും അദ്ദേഹം വാർത്താസമ്മേളനത്തി​ൽ വ്യക്തമാക്കി​.

ബി​.എസ്‌സി കോഴ്സുകളും ഈ വർഷം ആരംഭി​ക്കും. ഡേറ്റാ സയൻസ് ആൻഡ് അനലറ്റി​ക്സ്, മൾട്ടി​മീഡി​യ എന്നീ ബി​.എസ്‌സി​ പ്രോഗ്രാമുകൾക്ക് വേണ്ടി​യുള്ള പ്രവർത്തനങ്ങൾ അന്തി​മഘട്ടത്തി​ലാണ്. അടുത്തവർഷം എം.ബി​.എ, എം.സി​.എ കോഴ്സുകളും ആരംഭി​ക്കും. പഠി​ക്കാൻ അവസരം ലഭി​ക്കാത്തവർക്കും പഠനം മുടങ്ങി​യവർക്കും ട്രാൻസ്ഫർ സർട്ടി​ഫി​ക്കറ്റ്, പ്രായപരി​ധി​ നി​ബന്ധനകളി​ല്ലാത്ത യൂണി​വേഴ്സി​റ്റി​യുടെ കോഴ്സുകൾ ഏറെ സഹായകരമാണ്. 22,000 പഠി​താക്കളാണ് ഇപ്പോഴുള്ളത്. പുതി​യ അഡ്മി​ഷൻ പൂർത്തി​യാകുമ്പോൾ അത് അരലക്ഷമാകുമെന്നാണ് പ്രതീക്ഷ.

ബി​.എ നാനോ ഓൺട്രപ്രണർഷി​പ്പ് കോഴ്സ് ഇന്ത്യയി​ൽ ആദ്യമായി​ ആരംഭി​ക്കുന്നത് ശ്രീനാരായണഗുരു ഓപ്പൺ യൂണിവേഴ്സിറ്റിയി​ലാണ്. ഇതുൾപ്പെടെ 28 പ്രോഗ്രാമുകളി​ലേക്ക് ജൂലായ് 31 വരെ അപേക്ഷ സ്വീകരി​ക്കും. തൊഴി​ലധി​ഷ്ഠി​ത സർട്ടി​ഫി​ക്കറ്റ്, ഡി​പ്ളോമ പ്രോഗ്രാമുകളും ഈ വർഷം ആരംഭി​ക്കും. ആഗസ്റ്റി​ൽ അന്തർദ്ദേശീയ ശ്രീനാരായണ ലി​റ്റററി​ ഫെസ്റ്റി​വൽ സംഘടി​പ്പി​ക്കുമെന്നും ഡോ. ജഗതി​രാജ് പറഞ്ഞു. പ്രോ വൈസ് ചാൻസലർ പ്രൊഫ. ഡോ. എസ്.വി. ​സുധീർ, രജി​സ്ട്രാർ ഡോ. ഡിംപി​ വി​. ദി​വാകരൻ, സി​ൻഡി​ക്കേറ്റ് അംഗങ്ങളായ അഡ്വ. ബി​ജു കെ.മാത്യു, ഡോ. റെനി​ സെബാസ്റ്റ്യൻ, റീജി​യണൽ ഡയറക്ടർ ടോജോ തോമസ് എന്നി​വരും വാർത്താസമ്മേളനത്തി​ൽ പങ്കെടുത്തു.

പുതി​യ പദ്ധതി​കൾ

• ഒരു വർഷത്തി​നകം കൊല്ലത്ത് പുതി​യ ആസ്ഥാനം

• അനാഥാലയങ്ങളി​ലുള്ളവർക്ക് ഫീസി​ളവ്

• ജയി​ൽപുള്ളി​കൾക്ക് സൗജന്യപഠനം

• ഈ വർഷം യൂണി​വേഴ്സി​റ്റി​ സ്പോർട്സ് മീറ്റ്

• ഇന്റർനാഷണൽ അക്കാഡമി​ക് കോൺ​ക്ളേവ്

• ഹി​ന്ദി​പ്രചാരസഭ, കേംബ്രി​ഡ്ജ് യൂണി​വേഴ്സി​റ്റി​ പ്രസ് സഹകരണം

• ഭവനരഹി​തരായ മി​കച്ച പഠി​താക്കൾക്ക് വീട്

കേ​ര​ള​ ​ക​ലാ​മ​ണ്ഡ​ല​ത്തിൽ
ഇ​നി​ ​മാം​സാ​ഹാ​ര​വും

ചെ​റു​തു​രു​ത്തി​:​ ​കേ​ര​ള​ ​ക​ലാ​മ​ണ്ഡ​ല​ത്തി​ൽ​ ​ഇ​നി​ ​മാം​സാ​ഹാ​ര​വും​ ​ല​ഭി​ക്കും.​ ​ഇ​തു​ ​വ​രെ​യു​ള്ള​ ​രീ​തി​ക​ൾ​ ​തി​രു​ത്തി​ ​ബു​ധ​നാ​ഴ്ച​ ​ചി​ക്ക​ൻ​ ​ബി​രി​യാ​ണി​ ​വി​ള​മ്പി.​ ​ച​രി​ത്ര​ത്തി​ൽ​ ​ആ​ദ്യ​മാ​യാ​ണ് ​കാ​മ്പ​സി​ൽ​ ​നോ​ൺ​ ​വെ​ജ് ​ഭ​ക്ഷ​ണം​ ​അ​നു​വ​ദി​ച്ച​ത്.​ ​വി​യ്യൂ​ർ​ ​സെ​ൻ​ട്ര​ൽ​ ​ജ​യി​ലി​ൽ​ ​നി​ന്ന് ​ഓ​ർ​ഡ​ർ​ ​ചെ​യ്തു​ ​വ​രു​ത്തി​യ​ ​ചി​ക്ക​ൻ​ ​ബി​രി​യാ​ണി​യാ​ണ് ​വി​ദ്യാ​ർ​ത്ഥി​ക​ളു​ടെ​ ​ഹോ​സ്റ്റ​ൽ​ ​മെ​സി​ൽ​ ​വി​ള​മ്പി​യ​ത്.
1930​ൽ​ ​സ്ഥാ​പി​ത​മാ​യ​ ​ക​ലാ​മ​ണ്ഡ​ല​ത്തി​ൽ​ ​ഗു​രു​കു​ല​ ​സ​മ്പ്ര​ദാ​യ​ത്തി​ലു​ള്ള​ ​പ​ഠ​ന​രീ​തി​പ്ര​കാ​രം​ ​സ​സ്യാ​ഹാ​രം​ ​മാ​ത്ര​മേ​ ​അ​നു​വ​ദി​ച്ചി​രു​ന്നു​ള്ളൂ.​ ​ഇ​നി​ ​മു​ത​ൽ​ ​മാ​സ​ത്തി​ലെ​ ​ര​ണ്ടു​ ​ബു​ധ​നാ​ഴ്ച​ക​ളി​ൽ​ ​ബി​രി​യാ​ണി​യും​ ​ഐ​സ്‌​ക്രീ​മും​ ​വി​ത​ര​ണം​ ​ചെ​യ്യാ​നാ​ണ് ​തീ​രു​മാ​നം.​ ​സ​സ്യാ​ഹാ​രം​ ​മാ​ത്രം​ ​ക​ഴി​ക്കു​ന്ന​ 25​ഓ​ളം​ ​വി​ദ്യാ​ർ​ത്ഥി​ക​ൾ​ക്ക് ​വെ​ജി​റ്റ​ബി​ൾ​ ​ബി​രി​യാ​ണി​ ​വി​ത​ര​ണം​ ​ചെ​യ്തു.
ഭൂ​രി​ഭാ​ഗം​ ​വി​ദ്യാ​ർ​ത്ഥി​ക​ളും​ ​അ​ദ്ധ്യാ​പ​ക​രും​ ​നോ​ൺ​ ​വെ​ജ് ​വി​ഭ​വ​ങ്ങ​ൾ​ ​വേ​ണ​മെ​ന്ന​ ​ആ​വ​ശ്യം​ ​പ​രി​ഗ​ണി​ച്ചാ​ണ് ​വൈ​സ് ​ചാ​ൻ​സ​ല​ർ​ ​ഡോ.​ ​ബി.​ ​അ​ന​ന്ത​കൃ​ഷ്ണ​ന്റെ​ ​നി​ർ​ദ്ദേ​ശ​ ​പ്ര​കാ​രം​ ​ബി​രി​യാ​ണി​ ​വി​ത​ര​ണം​ ​ചെ​യ്ത​ത്.​ ​നോ​ൺ​ ​വെ​ജ് ​ഉ​ൾ​പ്പെ​ടെ​യു​ള്ള​ ​ഇ​ഷ്ട​ഭ​ക്ഷ​ണം​ ​വേ​ണ​മെ​ന്ന് ​വി​ദ്യാ​ർ​ത്ഥി​ക​ൾ​ ​ആ​വ​ശ്യ​പ്പെ​ട്ടു​ ​വ​രി​ക​യാ​യി​രു​ന്നു​വെ​ന്നും​ ​ചി​ക്ക​ൻ​ ​ബി​രി​യാ​ണി​ ​അ​നു​വ​ദി​ച്ച​തി​ൽ​ ​സ​ന്തോ​ഷ​മു​ണ്ടെ​ന്നും​ ​കേ​ര​ള​ ​ക​ലാ​മ​ണ്ഡ​ലം​ ​വി​ദ്യാ​ർ​ത്ഥി​ ​യൂ​ണി​യ​ൻ​ ​പ്ര​തി​നി​ധി​ക​ൾ​ ​അ​റി​യി​ച്ചു.​ ​എ​ന്നാ​ൽ​ ​അ​ദ്ധ്യാ​പ​ക​രി​ലെ​ ​ഒ​രു​ ​വി​ഭാ​ഗം​ ​കാ​മ്പ​സി​ൽ​ ​നോ​ൺ​ ​വെ​ജ് ​അ​നു​വ​ദി​ച്ച​തി​നെ​തി​രെ​ ​രം​ഗ​ത്തെ​ത്തി​യി​ട്ടു​ണ്ട്.​ ​ഉ​ഴി​ച്ചി​ൽ,​ ​പി​ഴി​ച്ചി​ൽ​ ​തു​ട​ങ്ങി​യ​ ​ഓ​യി​ൽ​ ​തെ​റാ​പ്പി​ക്ക് ​വി​ധേ​യ​മാ​കു​മ്പോ​ൾ​ ​സ​സ്യേ​ത​ര​ ​ഭ​ക്ഷ​ണം​ ​ക​ഴി​ക്കു​ന്ന​ത് ​വി​ദ്യാ​ർ​ത്ഥി​ക​ളു​ടെ​ ​ആ​രോ​ഗ്യ​ത്തി​ന് ​ഹാ​നി​ക​ര​മാ​കു​മെ​ന്നാ​ണ് ​ഇ​വ​രു​ടെ​ ​വാ​ദം.​ ​സാ​ധാ​ര​ണ​ ​വി​ദ്യാ​ല​യ​ങ്ങ​ളെ​ന്ന​ ​പോ​ലെ​ ​ക​ലാ​മ​ണ്ഡ​ല​ത്തെ​ ​കാ​ണാ​നാ​കി​ല്ലെ​ന്നും​ ​ദൈ​വി​ക​ ​ക​ല​ക​ൾ​ ​പ​ഠി​ക്കു​ന്ന​ ​സ്ഥ​ല​മാ​ണി​തെ​ന്നും​ ​ഒ​രു​ ​വി​ഭാ​ഗം​ ​ക​ലാ​കാ​ര​ന്മാ​ർ​ ​അ​ഭി​പ്രാ​യ​പ്പെ​ടു​ന്നു.