കൊച്ചി: യൂസ്ഡ് ട്രക്കുകളുടെ വില കൂടുമെന്ന് വാഹന വിപണിയിലെ ഏറ്റവും പുതിയ ചലനങ്ങൾ വിശകലനം ചെയ്യുന്ന ശ്രീറാം മൊബിലിറ്റി ബുള്ളറ്റിൻ വ്യക്തമാക്കുന്നു. ഖാരിഫ് സീസൺ വിളവെടുപ്പിനോട് അടുക്കുന്നതോടെ കാർഷിക, വാണിജ്യ വാഹനങ്ങളുടെ വിൽപ്പനയിൽ ഉണർവുണ്ടാകുമെന്നും ശ്രീറാം ഫിനാൻസ് ലിമിറ്റഡ് പ്രസിദ്ധീകരിക്കുന്ന റിപ്പോർട്ടിൽ പറയുന്നു. യൂസ്ഡ് വാണിജ്യ ട്രക്കുകളുടെ വിൽപ്പനയിൽ വർദ്ധനയുണ്ട്. 7.5 മുതൽ 16 ടൺ വരേ ശേഷിയുള്ള യൂസ്ഡ് ട്രക്കുകളുടെ വില്പന വാർഷികാടിസ്ഥാനത്തിൽ ഏഴ് ശതമാനം വർദ്ധിച്ചപ്പോൾ 3136 ടൺ ശേഷിയുള്ള ട്രക്കുകളുടെ വിൽപ്പന 43 ശതമാനമായി കുത്തനെ ഉയർന്നിട്ടുണ്ട്.