പെരുമ്പാവൂർ: ചതയ ദിനാഘോഷത്തെക്കുറിച്ച് ആലോചിക്കുന്നതിനായി എസ്.എൻ.സി.പി യോഗം ഇരിങ്ങോൾ ശാഖയിൽ നടന്ന വിശേഷാൽ പൊതുയോഗം യൂണിയൻ അഡ്മിനിസ്ട്രേറ്റീവ് കമ്മിറ്റി അംഗം ജയൻ പാറപ്പുറം ഉദ്ഘാടനം ചെയ്തു. ശാഖ പ്രസിഡന്റ് എം. വസന്തൻ അദ്ധ്യക്ഷനായി. ശാഖാ സെകട്ടറി കെ.എൻ. മോഹനൻ, വൈസ് പ്രസിഡന്റ് സി.വി. ജിനിൽ, യൂണിയൻ കമ്മിറ്റി അംഗം ബോസ് ഞാറ്റുംപറമ്പിൽ, വനിത സംഘം സെക്രട്ടറി ഉഷ ബാലൻ, എം.വി. ബാബു എന്നിവർ സംസാരിച്ചു. കെ.രാജേഷ് കൺവീനറായി 25 അംഗ സ്വാഗത സംഘം രൂപീകരിച്ചു.