മൂവാറ്റുപുഴ: സ്വാതന്ത്ര്യത്തിന് വേണ്ടിയുള്ള പ്രവർത്തനത്തിന്റെ ഭാഗമായാണ് സ്ത്രീകൾ എഴുതുന്നതെന്നും അതവരുടെ ബദൽ ജീവിതമായി മാറുന്നുണ്ടെന്നും എഴുത്തുകാരൻ ഇ.പി. രാജഗോപാലൻ പറഞ്ഞു. കാലടി സംസ്കൃത സർവകലാശാല ജീവനക്കാരിയും ആലക്കോട് സ്വദേശിനിയുമായ സിന്ധു ഉല്ലാസ് എഴുതിയ 'തനിയെ ' കഥാസമാഹാരം പ്രകാശനം ചെയ്യുകയായിരുന്നു അദ്ദേഹം. ചാവശേരി ഗവ. ഹയർ സെക്കൻഡറി സ്കൂൾ റിട്ട. ഹെഡ്മാസ്റ്റർ പി.ജി. രാജേന്ദ്രൻ പുസ്തകം ഏറ്റുവാങ്ങി. എ.ആർ. പ്രസാദ് അദ്ധ്യക്ഷനായി. എ.ആർ. പ്രദീപ്,​ സണ്ണി പാലത്തുങ്കൽ, ഒ.എം ജോർജ്, ഡി. ഉല്ലാസ്, സിന്ധു ഉല്ലാസ്, ടോമി ജോസഫ്, പ്രിയ രാധാകൃഷ്ണൻ എന്നിവർ സംസാരിച്ചു .