ചോറ്റാനിക്കര: വൈക്കം റോട്ടറി ക്ലബ് ഭാരവാഹികൾ ഹെറിറ്റേജ് പ്ലാസ്സ ഓഡിറ്റോറിയത്തിൽ നടന്ന ചടങ്ങിൽ സ്ഥാനമേറ്റു. മുൻ റോട്ടറി ഡിസ്ട്രിക്ട് ഗവർണർ കെ.പി. രാമചന്ദ്രൻനായർ ഉദ്ഘാടനം ചെയ്തു. പ്രസിഡന്റ്‌ ജെറി ചെറിയാൻ അദ്ധ്യക്ഷത വഹിച്ചു. പുതിയ അംഗങ്ങൾക്ക് അസിസ്റ്റന്റ് ഗവർണർ എസ്.ഡി. സുരേഷ്ബാബു സത്യവാചകം ചൊല്ലിക്കൊടുത്തു. മുൻ റോട്ടറി ഗവർണർ ഈ കെ. ലൂക്ക് സാമൂഹിക ക്ഷേമപദ്ധതികൾ ഉദ്ഘാടനം ചെയ്തു.

ഭാരവാഹികളായി ബോബി കുപ്ളികേട്ട് - പ്രസിഡന്റ്, ഷിജോ മാത്യു - സെക്രട്ടറി, ജോസഫ് തയ്യിൽ - ട്രഷറർ എന്നിവരും എക്സിക്യുട്ടീവ് കമ്മിറ്റിയും ചുമതലയേറ്റു. എൻ. ഷൈൻകുമാർ, ജെയിംസ് പാലക്കാൻ, അഡ്വ. ശ്രീകാന്ത് സോമൻ,വർഗീസ് പുത്തനങ്ങാടി, അഡ്വ. വിവേക് ഫ്രാൻസിസ്, രഞ്ജിത് ജോർജ്, ഗൗതം സുരേഷ്ബാബു, മാത്യു യോഗ്യവീട്, വൈസ് പ്രസിഡന്റ്‌ സണ്ണി കുര്യാക്കോസ്, സെക്രട്ടറി ഷിജോമാത്യു എന്നിവർ സംസാരിച്ചു.