കൂത്താട്ടുകുളം: മണിമലക്കുന്ന് ഗവ. കോളേജിലെ വിദ്യാർത്ഥികൾ നേരിടുന്ന പ്രശ്നങ്ങൾക്ക് അടിയന്തിര പരിഹാരം തേടി എസ്.എഫ്.ഐ യൂണിറ്റ് കമ്മിറ്റി പ്രിൻസിപ്പലിന് അവകാശപത്രിക സമർപ്പിച്ചു. സ്പോർട്സ് കോംപ്ലക്സ് നിശ്ചിത സമയങ്ങളിൽ തുറന്നു നൽകുക,​ മൈതാനത്ത് കുടിവെള്ള ലഭ്യത ഉറപ്പാക്കുക, കോളേജിലെ കുടിവെള്ള ഫിൽട്ടറുകളും കൂളറുകളും പ്രവർത്തന സജ്ജമാക്കുക, കോളേജിലെയും വനിത ഹോസ്റ്റലിലെയും മാലിന്യ സംസ്കരണം കാര്യക്ഷമമാക്കുക, ലാബുകളിൽ ഇന്റർനെറ്റ് സൗകര്യം ഉറപ്പാക്കുക, ശുചിമുറികളുടെ സുരക്ഷിതത്വം ഉറപ്പാക്കുക തുടങ്ങിയ ആവശ്യങ്ങൾ ഉന്നയിച്ചു. യൂണിറ്റ് സെക്രട്ടറി കെ.ബി. മനു,​ പ്രസിഡന്റ് കെ.പി. നന്ദന,​ ആകാശ് പ്രസാദ്, ജിഷ്ണു മനോജ് എന്നിവർ പങ്കെടുത്തു.