മൂവാറ്റുപുഴ: ഈസ്റ്റ് മാറാടി ഗവ. വൊക്കേഷണൽ ഹയർ സെക്കൻഡറി സ്കൂളിൽ വായന മാസാചരണം സമാപിച്ചു. മാറാടി പഞ്ചായത്തിലെ എൽ.പി, യു.പി സ്കൂളുകളിൽ നിന്ന് മുപ്പതോളം കുട്ടികൾ സാഹിത്യക്വിസിൽ പങ്കെടുത്തു. എൽ.പി വിഭാഗത്തിൽ സൗത്ത് മാറാടി ഗവ. യു.പി സ്കൂളിലെ അതുല്യ പി. അജേഷ് ഒന്നാം സ്ഥാനവും സാന്ദ്ര വിനോദ് രണ്ടാം സ്ഥാനവും നേടി. യു.പി വിഭാഗത്തിൽ സൗത്ത് മാറാടി സ്കൂളിലെ തന്നെ അതുൽ പി. അജേഷ് ഒന്നാം സ്ഥാനവും തീർത്ഥ അരുൺ രണ്ടാം സ്ഥാനവും നേടി. വിജയികൾക്ക് മാറാടി മുത്തൂറ്റ് ഫിൻ കോർപ് മാനേജർ ജിൻസി സജിൻ മെമന്റോകൾ സമ്മാനിച്ചു. പി.ടി.എ പ്രസിഡന്റ് സിനിജ സനിൽ, എച്ച്.എം ഇൻചാർജ് എം.ഐ. ഷീബ എന്നിവർ പങ്കെടുത്തു. ജൂൺ 19 വായനാദിനം മുതൽ ജൂലൈ 18 വരെ വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ വൈവിദ്ധ്യമാർന്ന പ്രവർത്തനങ്ങൾ സ്കൂളിൽ സംഘടിപ്പിച്ചിരുന്നു.