തൃപ്പൂണിത്തുറ: ഇരുമ്പനം സീപോർട്ട്-എയർപോർട്ട് റോഡിൽ പുതിയ റോഡ് സിഗ്‌നൽ ജംഗ്ഷനു സമീപം വെള്ളക്കെട്ട് ഒഴിവാക്കാൻ അധികാരികൾ കണ്ടുപിടിച്ചത് വിചിത്രമായൊരു മാർഗ്ഗം,​ റോഡിൽ തോട് വെട്ടുക! കഴിഞ്ഞ ദിവസങ്ങളിലുണ്ടായ ശക്തമായ മഴയിൽ കെട്ടിക്കിടക്കുന്ന വെള്ളം വള്ളിക്കാവ് ക്ഷേത്രത്തിലേക്ക് പോകുന്ന റോഡിലേക്ക് കാന കീറി തുറന്നു വിടുകയായിരുന്നു. മഴ പെയ്യുമ്പോൾ വെള്ളക്കെട്ട് രൂക്ഷമാകാനുള്ള കാരണം റോഡ് നവീകരണത്തിലെ പാകപ്പിഴയാണെന്ന് നാട്ടുകാർ ആരോപിക്കുന്നു. അശാസ്ത്രീയമായി റോഡ് കുഴിച്ചതോടെ പ്രദേശമാകെ ചെളിക്കുണ്ടായി മാറിയിരിക്കുകയാണ് ഇപ്പോൾ. ഹോട്ടലുൾപ്പെടെയുള്ള സമീപത്തെ 30 ഓളം വ്യാപാര സ്ഥാപനങ്ങളിലേക്ക് ആർക്കും പോകാൻ കഴിയാത്ത സാഹചര്യമാണിപ്പോൾ.

മാ​സ​ങ്ങ​ൾ​ ​നീ​ണ്ടിട്ടും തീരാത്ത പണി

സീപോർ‌‌‌ട്ട്- എയർപോർട്ട് റോഡിൽ കോടികൾ മുടക്കി നടത്തുന്ന നവീകരണത്തിന്റെ ഭാഗമായി പുതിയ റോഡ് സിഗ്‌നൽ ജംഗ്ഷനിൽ ഏതാണ്ട് 200 മീറ്റർ നീളത്തിൽ ടൈൽ വിരിക്കലാണ് ചെയ്യാനുള്ളത്. ടൈൽ വിരിക്കും മുമ്പ് റോഡ് നിരപ്പാക്കാനുണ്ട്. എന്നാൽ, പണി തുടങ്ങി 4 മാസത്തിലേറെ ആയെങ്കിലും സമയബന്ധിതമായി കരാറുകാരൻ പണി പൂർത്തീകരിച്ചില്ലതുമില്ല, റോഡ് നിരപ്പാക്കിയതുമില്ല. കൂടാതെ ബാരിക്കേഡുകൾ റോഡിൽ തന്നെ സ്ഥാപിച്ചതിനാൽ അപകടങ്ങളും ഗതാഗത കുരുക്കും പതിവാകുകയും ചെയ്തു.

റോഡിലെ മറ്റു പ്രശ്നങ്ങൾ

റോ​ഡി​ന്റെ​ ​വ​ശ​ങ്ങ​ളി​ൽ​ ​കാ​ന​ ​ഇ​ല്ല

കാ​ൽ​ന​ട​ ​യാ​ത്ര​ക്കാ​ർ​ക്ക് ന​ട​പ്പാ​ത​ ഇല്ല

റോ​ഡി​ന് ​വീ​തി​ ​കു​റ​വാ​യ​തി​നാ​ൽ​ ​സി​ഗ്ന​ൽ​ ​ക​ഴി​ഞ്ഞു​ ​വ​രു​ന്ന​ ​വാ​ഹ​ന​ങ്ങ​ൾ​ക്ക് ​വേ​ഗ​ത്തി​ൽ​ ​പോ​കാനാവില്ല

സി​ഗ്ന​ൽ​ ​ജം​ഗ്ഷ​നി​ൽ​ ​ഗ​താ​ഗ​ത​ക്കു​രു​ക്ക്

കെ​ട്ടി​ക്കി​ട​ക്കു​ന്ന​ ​വെ​ള്ളം​ ​തെ​റി​ക്കു​ന്ന​തി​നാ​ൽ​ ​ബ​സ് ​ഷെ​ർ​ട്ട​റി​ൽ​ ​ആ​ളു​ക​ൾ​ക്ക് ​ക​യ​റി​ ​നി​ൽ​ക്കാ​നാ​കു​ന്നി​ല്ല