കൊച്ചി: പ്ലസ് ടു പരീക്ഷയിൽ ഉന്നതവിജയം നേടിയ വിദ്യാർത്ഥികളെ ആദരിക്കാൻ ഹൈബി ഈഡൻ എം.പി സംഘടിപ്പിക്കുന്ന എം.പി അവാർഡ് 21ന് രാവിലെ 10ന് എറണാകുളം സെന്റ് തെരേസാസ് കോളേജ് ഓഡിറ്റോറിയത്തിൽ നടക്കും. പ്രതിപക്ഷ നേതാവ് വി.ഡി സതീശൻ ഉദ്ഘാടനം ചെയ്യും. സിനിമാതാരം ബേസിൽ ജോസഫ് മുഖ്യാതിഥിയാകും. കൊച്ചി ജെയിൻ ഡീംഡ് ടു ബി യൂണിവേഴ്‌സിറ്റിയുമായി സഹകരിച്ചാണ് പദ്ധതി നടപ്പാക്കുന്നത്. പാർലമെന്റ് മണ്ഡലത്തിൽ മുഴുവൻ വിഷയങ്ങൾക്കും എ പ്ലസ് ലഭിച്ച 1500 കുട്ടികളെയാണ് ആദരിക്കുന്നത്. മേയർ അഡ്വ. എം. അനിൽകുമാർ, ജില്ലാ കളക്ടർ എൻ.എസ്.കെ ഉമേഷ്, ജയിൻ ഡീംഡ് ടു ബി യൂണിവേഴ്‌സിറ്റി ഡയറക്ടർ ന്യൂ ഇനിഷ്യേറ്റീവ്‌സ് ഡോ. ടോം എം. ജോസഫ്, ജോയിന്റ് പരീക്ഷാ കൺട്രോളർ കെ. മധുകുമാർ തുടങ്ങിയവർ പങ്കെടുക്കും.