കൊച്ചി: തെരുവിൽ അലഞ്ഞ് രാത്രി മെട്രോ തൂണിനടിയിൽ കിടന്നുറങ്ങുന്നവരെ പട്രോളിംഗിനെത്തുന്ന പൊലീസുകാർ തല്ലിയോടിക്കുന്നുവെന്ന പരാതിയിൽ മനുഷ്യാവകാശ കമ്മിഷൻ കേസെടുത്ത് അന്വേഷണത്തിന് ഉത്തരവിട്ടു.

കൊച്ചി സിറ്റി പൊലീസ് കമ്മിഷണർ ഇത് സംബന്ധിച്ച് അന്വേഷണം നടത്തി. 15 ദിവസത്തിനകം റിപ്പോർട്ട് സമർപ്പിക്കണമെന്ന് കമ്മിഷൻ അംഗം വി.കെ. ബീനാകുമാരി ആവശ്യപ്പെട്ടു. കലൂർ മെട്രോ തൂണിനടിയിൽ ഉറങ്ങുന്നയാളെ പൊലീസ് തല്ലുന്നതായി ഒരു മാദ്ധ്യമത്തിൽ വന്ന ചിത്രത്തിന്റെ അടിസ്ഥാനത്തിൽ ഫോട്ടോഗ്രഫറായ നോയൽ ഡോൺ തോമസ് സമർപ്പിച്ച പരാതിയിലാണ് നടപടി.