മൂവാറ്റുപുഴ: മാനാറി ഭാവന ലൈബ്രറിയുടെ ആഭിമുഖ്യത്തിൽ നടത്തിയ പാറപ്പാട്ട് മുരളീധരൻ നായർ എൻഡോമെന്റ് വിതരണവും അനുസ്മരണ സമ്മേളനവും മൂവാറ്റുപുഴ താലൂക്ക് ലൈബ്രറി കൗൺസിൽ സെക്രട്ടറി സി.കെ. ഉണ്ണി ഉദ്ഘാടനം ചെയ്തു. ലൈബ്രറി പ്രസിഡന്റ് കെ.എം. രാജമോഹനൻ അദ്ധ്യക്ഷനായി. താലൂക്ക് ലൈബ്രറി കൗൺസിൽ വൈസ് പ്രസിഡന്റ് പി. അർജുനൻ അനുസ്മരണ പ്രഭാഷണം നടത്തി. പെരുമ്പാവൂർ അക്ഷര വയോജന ലൈബ്രറി പ്രസിഡന്റ് പി.എസ്. മോഹനൻ എൻഡോമെന്റ് വിതരണം നടത്തി. പി.എസ്. ഗോപകുമാർ, ഉഷ പാറപ്പാട്ട് ,കെ.എൻ. മോഹനൻ, വാസു മീമ്പനാൽ എന്നിവർ സംസാരിച്ചു. പ്ലസ് വൺ കുട്ടികൾക്കാണ് എൻഡോമെന്റ് നൽകിയത്. പത്ത് കുട്ടികൾക്ക് പഠനോപകരണങ്ങളും നൽകി.