കൊച്ചി: അന്തരിച്ച ചലച്ചിത്ര സംവിധായകൻ സിദ്ദിഖിന്റെ ഓർമ്മക്കായി നൽകുന്ന പ്രഥമ പുരസ്‌കാരത്തിന് പ്രൊഫ. എം.കെ.സാനു അർഹനായി. അരലക്ഷം രൂപയടങ്ങിയ പുരസ്‌കാരം സിദ്ദിഖിന്റെ ഒന്നാം ചരമവാർഷികത്തോടനുബന്ധിച്ച് അടുത്ത മാസം ആദ്യം കൊച്ചിയിൽ സംഘടിപ്പിക്കുന്ന ചടങ്ങിൽ സമ്മാനിക്കുമെന്ന് സിദ്ദീഖ് സ്മാരക സമിതി കൺവീനർ പി.എ. മഹ്ബൂബ് വാർത്താ കുറിപ്പിൽ അറിയിച്ചു. കെ.എൽ.മോഹനവർമ്മ ചെയർമാനും വിദ്യാഭ്യാസ വിദഗ്ദ്ധൻ രവി തോമസ്, ഡോ. ചെറിയാൻ കുനിയന്തോടത്ത് എന്നിവർ അംഗങ്ങളുമായ സമിതിയാണ് പുരസ്‌കാര ജേതാവിനെ തിരഞ്ഞെടുത്തത്. എറണാകുളം മഹാരാജാസിൽ സിദ്ദിഖിന്റെ റോൾമോഡലായ അദ്ധ്യാപകൻ കൂടിയായിരുന്നു എം.കെ.സാനു.