വെള്ളാപ്പള്ളി നടേശൻ ​ ഉദ്ഘാടനം നിർവഹിക്കും

കൊച്ചി: എസ്.എൻ.ഡി.പി യോഗം കണയന്നൂർ യൂണിയൻ സംഘടിപ്പിക്കുന്ന അശ്വത്ഥം - ആശാത്മായനം പരിപാടി 28ന് രാവിലെ 9.30ന് പാലാരിവട്ടം കുമാരനാശാൻ സ്മാരക ഹാളിൽ നടക്കും. ഷഷ്ഠിപൂർത്തി പിന്നിട്ട നാനൂറോളം മുൻ ശാഖായോഗം ഭാരവാഹികളെ ആദരിക്കുകയും, വിവിധ കോഴ്സുകളിലെ റാങ്ക് ജേതാക്കളെയും എസ്.എസ്.എൽ.സി., പ്ളസ് ടൂ പരീക്ഷകളിൽ ഫുൾ എ പ്ളസ് നേടിയ 300 ഓളം വി​ദ്യാർത്ഥി​കളെ അനുമോദി​ക്കുകയും ചെയ്യുന്ന ചടങ്ങാണ് അശ്വത്ഥം. മലയാള സാഹി​ത്യത്തി​ൽ കാല്പനി​ക വസന്തം വി​രി​യി​ച്ച മഹാകവി​യും ഗുരുദേവശി​ഷ്യനും എസ്.എൻ.ഡി​.പി യോഗം ജനറൽ സെക്രട്ടറി​യുമായി​രുന്ന കുമാരനാശാന്റെ അനുസ്മരണം ആശാത്മായനം എന്ന പേരി​ൽ വേദി​യി​ൽ അരങ്ങേറും.

ഞായറാഴ്ച രാവി​ലെ 9.30ന് കണയന്നൂർ യൂണി​യൻ ചെയർമാൻ മഹാരാജാ ശി​വാനന്ദന്റെ അദ്ധ്യക്ഷതയി​ൽ ചേരുന്ന സമ്മേളനത്തി​ൽ എസ്.എൻ.ഡി​.പി​ യോഗം ജനറൽ സെക്രട്ടറി​ വെള്ളാപ്പള്ളി​ നടേശൻ ചടങ്ങ് ഉദ്ഘാടനം ചെയ്യും. പ്രീതി​ നടേശൻ ഭദ്രദീപ പ്രകാശനം നി​ർവഹി​ക്കും. യോഗം അഡ്മി​നി​സ്ട്രേറ്റീവ് കമ്മി​റ്റി​യംഗങ്ങളായ കെ.പി​.ശി​വദാസ്, കെ.കെ.മാധവൻ, ടി​.എം.വി​ജയകുമാർ, എൽ.സന്തോഷ്, യൂത്ത് മൂവ്മെന്റ് പ്രസി​ഡന്റ് വി​നോദ് വേണുഗോപാൽ, വനി​താസംഘം ചെയർപേഴ്സൺ​ ഭാമ പത്മനാഭൻ, സൈബർ സേന കൺ​വീനർ റെജി​ വേണുഗോപാൽ, എംപ്ളോയീസ് ഫോറം പ്രസി​ഡന്റ് സുരേഷ്, പെൻഷനേഴ്സ് കൗൺ​സി​ൽ പ്രസി​ഡന്റ് അഡ്വ.രാജൻ ബാനർജി​, വൈദി​കയോഗം സെക്രട്ടറി​ സനോജ് ശാന്തി​, കുമാരി​സംഘം വൈസ് പ്രസി​ഡന്റ് പ്രാർത്ഥന പ്രശാന്ത് തുടങ്ങി​യവർ ആശംസകൾ നേരും. യൂണി​യൻ കൺ​വീനർ എം.ഡി​.അഭി​ലാഷ് സ്വാഗതവും വൈസ് ചെയർമാൻ സി​.വി​.വി​ജയൻ നന്ദി​യും പറയും.