വൈപ്പിൻ: സുഹൃത്തിനെ കുത്തി പരിക്കേൽപ്പിച്ച കേസിൽ ഞാറക്കൽ വാലക്കടവ് വഞ്ചിപ്പുരക്കൽ വീട്ടിൽ അനൂപിനെ (34) ഞാറക്കൽ പൊലീസ് അറസ്റ്റ് ചെയ്തു. കഴിഞ്ഞ ഞായറാഴ്ച വൈകിട്ട് അനൂപിന്റെ അയൽവാസിയായ യുവാവിനെയാണ് കുത്തി പരിക്കേൽപ്പിച്ചത്. റോഡരികിൽ വച്ചിരുന്ന മോട്ടർസൈക്കിൾ മറിഞ്ഞുകിടന്നതിനെ തുടർന്നുണ്ടായ തർക്കമാണ് അക്രമത്തിൽ കലാശിച്ചത്. കറിക്കത്തി കൊണ്ട് യുവാവിന്റെ വീട്ടിലെത്തിയാണ് കുത്തിയത്. കൈക്ക് പരിക്കുപറ്റിയ യുവാവ് ആശുപത്രിയിൽ ചികിത്സയിലാണ്.

ഞാറക്കൽ ഇൻസ്‌പെക്ടർ സുനിൽ തോമസിന്റെ നിർദ്ദേശപ്രകാരം എസ്.ഐ. മാരായ അഖിൽ വിജയകുമാർ, കെ.ആർ.അനിൽകുമർ എസ്. സി. പി .ഒ. ഉമേഷ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്.