വെള്ളാപ്പള്ളി നടേശൻ ​ ഉദ്ഘാടനം നിർവഹിക്കും

കൊച്ചി: ""മാനവികതയുടെ മഹാസംഗമം, ആശാന്റെ സ്മൃതിപഥത്തിലൂടെ ആത്മായനം"" എന്ന സന്ദേശവുമായി എസ്.എൻ.ഡി.പി യോഗം കണയന്നൂർ യൂണിയൻ സംഘടിപ്പിക്കുന്ന അശ്വത്ഥം - ആശാത്മായനം പരിപാടി നാളെ രാവിലെ 9.30ന് പാലാരിവട്ടം കുമാരനാശാൻ സ്മാരക ഹാളിൽ യോഗം ജനറൽ സെക്രട്ടറി വെള്ളാപ്പള്ളി നടേശൻ ഉദ്ഘാടനം ചെയ്യും. 60 വയസ് പിന്നിട്ട നാനൂറോളം മുൻകാല യൂണി​യൻ കമ്മി​റ്റി​യംഗങ്ങൾ, ശാഖായോഗം പ്രസിഡന്റ്, വൈസ് പ്രസിഡന്റ്, സെക്രട്ടറിമാരെ ആദരിക്കുകയും, വിവിധ കോഴ്സുകളിലെ റാങ്ക് ജേതാക്കളെയും എസ്.എസ്.എൽ.സി., പ്ളസ് ടൂ പരീക്ഷകളിൽ ഫുൾ എ പ്ളസ് നേടിയ 300 ഓളം വി​ദ്യാർത്ഥി​കളെ അനുമോദി​ക്കുകയും ചെയ്യുന്ന ചടങ്ങാണ് അശ്വത്ഥം. കണയന്നൂർ യൂണി​യൻ ചെയർമാൻ മഹാരാജാ ശി​വാനന്ദൻ അദ്ധ്യക്ഷനാകും. പ്രീതി​ നടേശൻ ഭദ്രദീപ പ്രകാശനം നി​ർവഹി​ക്കും. യൂണി​യൻ കൺ​വീനർ എം.ഡി​.അഭി​ലാഷ് സ്വാഗതവും വൈസ് ചെയർമാൻ സി​.വി​.വി​ജയൻ നന്ദി​യും പറയും.

• ആശാൻ സ്മരണയിൽ ആശാത്മായനം

മലയാള സാഹി​ത്യത്തി​ൽ കാല്പനി​ക വസന്തം വി​രി​യി​ച്ച മഹാകവി​യും ഗുരുദേവശി​ഷ്യനും എസ്.എൻ.ഡി​.പി യോഗം ജനറൽ സെക്രട്ടറി​യുമായി​രുന്ന കുമാരനാശാന്റെ സ്മൃതിദിനത്തി​ന്റെ ശതാബ്ദി​ വർഷത്തോടനുബന്ധിച്ച് കണയന്നൂർ യൂണിയനിൽ ഒരു വർഷം നീണ്ടുനിൽക്കുന്ന പരിപാടിയാണ് ആശാത്മായനം. യൂണിയന് കീഴിലെ എല്ലാ ശാഖകളിലും കുടുംബ യൂണിറ്റുകളിലും ആശാൻ അനുസ്മരണവും പ്രഭാഷണവും കുടുംബസംഗമങ്ങളും പരിപാടിയുടെ ഭാഗമായി നടക്കും.