മൂവാറ്റുപുഴ: കൊവിഡ് കിറ്റ് അഴിമതി സംബന്ധി​ച്ച് മുൻ കുന്നത്തുനാട് എം.എൽ.എയും കെ.പി​.സി​.സി​. വൈസ് പ്രസിഡന്റുമായ വി.പി. സജീന്ദ്രനെതിരായ പരാതിയിൽ കഴമ്പുണ്ടെന്ന് മൂവാറ്റുപുഴ വിജിലൻസ് കോടതി. കൊവി​ഡുകാലത്ത് കൊച്ചിൻ റിഫൈനറി ഉൾപ്പെടെയുള്ള കമ്പനികളിൽ നിന്നും മറ്റ് വ്യക്തികളി​ൽ നിന്നും പണം സ്വീകരിച്ചെങ്കി​ലും കി​റ്റ് വി​തരണം നടത്തി​യി​ല്ലെന്നാണ് പരാതി​.

മുൻ കോൺഗ്രസ് നേതാവും ഇപ്പോൾ എൻ.സി.പി സംസ്ഥാന സെക്രട്ടറിയുമായ ബി . ജയകുമാറാണ് വി​വരാവകാശ രേഖകൾ സഹി​തം സജീന്ദ്രനെതി​രെ വി​ജിലൻസ് കോടതി​യെ സമീപി​ച്ചത്. കുന്നത്തുനാട് താലൂക്ക് സപ്ലെ ഓഫീസർ ടി .സഹീറും കേസിൽ പ്രതിയാണ്.