മൂവാറ്റുപുഴ: മൂവാറ്റുപുഴ നഗര റോഡ് വികസനം സമയബന്ധിതമായി പൂർത്തിയാക്കണമെന്ന് ആവശ്യപ്പെട്ട് നഗരവികസന ജനകീയ സമിതിയുടെ നേതൃത്വത്തിൽ മുഖ്യമന്ത്രിക്ക് സമർപ്പിക്കുന്ന ഭീമ ഹർജിയിൽ ഒപ്പിട്ടവരുടെ എണ്ണം കാൽ ലക്ഷം കവിഞ്ഞു. 68 സംഘടനകളുടെ പിന്തുണയുളള സമിതി മൂന്ന് ദിവസമായി ഒപ്പ് ശേഖരണം നടത്തി വരികയാണ്. കേരള ഹോട്ടൽ ആന്റ് റസ്റ്റോറന്റ് അസോസിയേഷന്റെ ആഭിമുഖ്യത്തിൽ പതിനഞ്ചോളം ഒപ്പുശേഖരണ കേന്ദ്രങ്ങൾ തുറന്നു. ഇന്നലെ ജുമാ നമസ്കാരത്തിന് ശേഷം നഗരത്തിലെ അഞ്ച് മുസ്ലിം പള്ളികളിലും ഒപ്പുശേഖരണം നടന്നു. നിർമല ഹൈസ്കൂളിലെ ആയിരം കുട്ടികൾ ഒപ്പിട്ട നിവേദനം സമിതിക്ക് ഇന്നലെ കൈമാറിയിരുന്നു.