കൊച്ചി: ജീവൻ രക്ഷാ ചാരിറ്റി ആൻഡ് സർവീസ് സൊസൈറ്റി എറണാകുളം ജനറൽ ആശുപത്രി കാൻസർ വാർഡിൽ 214ാംമത് മരുന്ന് വിതരണം നടത്തി. കെ.എൻ ഉണ്ണിക്കൃഷ്ണൻ എം.എൽ.എ ഉദ്ഘാടനം ചെയ്തു. നിർദ്ധനരായ കാൻസർ രോഗികൾക്ക് പ്രതിമാസത്തെ ജീവൻ രക്ഷാ മരുന്നുകൾ കെ.എൻ. ഉണ്ണിക്കൃഷ്ണൻ എം.എൽ.എയും കൗൺസിലർ ടി. പത്മകുമാരിയും ചേർന്ന് വിതരണം ചെയ്തു. അമ്പതിനായിരം രൂപയുടെ ജീവൻ രക്ഷാ മരുന്നുകൾ ക്യാൻസർ വിഭാഗം മേധാവി ഡോ. ബാലമുരളി കൃഷ്ണയ്ക്ക് കൈമാറി. അഡ്വ. ജോർജ് ജോസഫ് മാപ്പിളപ്പറമ്പിൽ അദ്ധ്യക്ഷത വഹിച്ചു. പി.എസ്. അരവിന്ദാക്ഷൻ നായർ, ജോസ് നിധീരി, ഡോ. ബാലമുരളി കൃഷ്ണ, ഡോക്ടർ രഘുത്തമൻ, എന്നിവർ പ്രസംഗിച്ചു.