കാലടി: കാലടി പഞ്ചായത്തിലെ എൽ.ഡി.എഫ് മെമ്പർമാർ നടത്തിവന്ന പഞ്ചദിന സത്യാഗ്രഹ സമരം സമാപിച്ചു. എൽ.ഡി.എഫ് ജനപ്രതിനിധികളുടെ വാർഡുകളിലെ പദ്ധതികളിൽ പഞ്ചായത്ത് പ്രസിഡന്റ് പുലർത്തുന്ന വിവേചനത്തിലും എസ്.സി. ഫണ്ടുകൾ ചിലവഴിക്കാത്തതിലും ബ്ലോക്ക്-പഞ്ചായത്ത് സംയുക്ത പദ്ധതികൾ ഉപേക്ഷിച്ചതിലും പ്രതിഷേധിച്ചായിരുന്നു സമരം. ഇന്നലെ നടന്ന പഞ്ചദിന സമാപന സമ്മേളനം സി.പി.ഐ അങ്കമാലി മണ്ഡലം സെക്രട്ടറി എം. മുകേഷ് ഉദ്ഘാടനം ചെയ്തു. സി.പി.എം അങ്കമാലി ഏരിയ കമ്മറ്റി അംഗം എം.ടി. വർഗീസ് അദ്ധ്യക്ഷനായി. മുൻ മന്ത്രി ജോസ് തെറ്റയിൽ, ജെയ്സൻ പാനികുളങ്ങര, ബേബി കാക്കശേരി, സിജൊ ചൊവ്വരൻ, ആൻസി ജിജോ തുടങ്ങിയവർ സംസാരിച്ചു.